ટંકારાના મીતાણા ખાતે ફળાઉ રોપાનું વિતરણ, મોરબીમાં ઇન્ટરનેશનલ યર ઓફ મિલેટ નિમિતે રાહત દરે વસ્તુઓનું વિતરણ
SHARE
JOIN OUR GROUP
ટંકારાના મીતાણા ખાતે ફળાઉ રોપાનું વિતરણ, મોરબીમાં ઇન્ટરનેશનલ યર ઓફ મિલેટ નિમિતે રાહત દરે વસ્તુઓનું વિતરણ
ટંકારા તાલુકાના મિતાણા ગામે આવેલી સરકારી નર્સરી ખાતે ફળ પાકના રોપા, ઔષધિ રોપા, ઈમારતી રોપા ધટાટોપ છાયાના રોપા, વિગેરે નાગરિકોને રાહત ભાવે મળી રહશે.સીતાફળ, બીલા, રાયણ, આંબલી, આંબળા, જામફળ, જાંબુ, અરડૂસી, કેન્સરની સારવાર માટે પથરી માટે સહિતના રોપાઓ ટોકનદરે ઉપબ્ધ છે.જેથી રસ ધરાવતા અને ખરીદી કરવા માંગતા વ્યક્તીને ૧૦, સ્કુલે ૧૦૦, ગ્રામ પંચાયતને ૫૦૦, સ્વેચ્છીક સંસ્થા સ્વ ઉછેર માટે માગ્યા મુજબ રોપા લેટરપેડ ઉપર વિનામૂલ્યે આપવામાં આવશે.વધુ માહિતી માટે રાઉન્ડ ફોરેસ્ટ ઓફિસર એન.એસ.ખફિફ (મો.૯૯૦૯૯ ૧૬૦૯૯ )અથવા મિતાણા નર્સરી કચેરી ખાતે સંપર્ક કરવા યાદીમાં જણાવાયું છે.
ઇન્ટરનેશનલ યર ઓફ મિલેટ ૨૦૨૩ અંતર્ગત પ્રદર્શન કમ વેંચાણ
ઇન્ટરનેશનલ યર ઓફ મિલેટ-૨૦૨૩ મિશનના ભાગરૂપે મોરબીમાં પણ મિલેટ્સ વર્ષ ૨૦૨૩ અંતર્ગત પ્રદર્શન કમ વેંચાણ થશે.કૃષિ વિજ્ઞાન કેન્દ્ર જૂનાગઢ, કૃષિ યુનિવર્ષીટી-મોરબી અને હરડે પ્રચાર કેન્દ્ર-મોરબી દ્વારા સંયુક્ત રીતે આયોજિત આ પ્રદર્શન કમ વેંચાણ કેન્દ્ર ઉપરથી ભારત સરકાર દ્વારા ઘોષિત મિલેટસ વર્ષ અંતર્ગત વિવિધ હળવા અને હલકા ધાન્યો (જેવા કે કોદરો, કાંગ, સામો, બાજરી, જવ, જુવાર, રાગી વગેરે) વિશેની માહિતી, તેની ઉપલબ્ધી અને શરીરના પૌષ્ટીક-સમતોલ પોષણ માટે એની જરૂરિયાત વિશે જાણકારી મેળવી શકશો.ઉપરોકત મિલેટ કેટેગરીનાં ધાન્યો પૈકી ઉપલબ્ધ ધાન્યોનું અહીંથી વેંચાણ પણ કરવામાં આવશે.મોરબીના માર્કેટિંગ યાર્ડની બહારની બાજુ, આર.ડી.સી. બેંકનાં દરવાજા પાસે, ન્યુ હાઉસિંગ બોર્ડની સામે, શનાળા રોડ ખાતે તા.૧૬ સવારના ૯ થી બપોરનાં ૧ વાગ્યાં સુધી વિતરણ થશે.
