મોરબીના ટીંબડી નજીક ટ્રેઇલરમાંથી ૧૩૨ બોટલ દારૂ સાથે એક શખ્સ પકડાયો

મોરબી નજીકના ટીંબડી પાટીયા પાસે પાર્ક કરેલ ટ્રેઇલરમાં સફેદ માટીની થેલીની આડમાં દારૂની હેરફેરી કરવામાં આવી રહી હોવાની માહિતી સામે આવી છે જેમાં વાહનની અંદરથી પોલીસે ૧૩૨ બોટલ દારૂ કબજે કરેલ છે અને હાલમાં એક આરોપીની ધરપકડ કરેલ છે અને મોરબી તાલુકા પોલીસે આગળની કાર્યવાહી કરેલ છે

જાણવા મળતી મહિત્યિ મુજબ મોરબી નજીકના ટીંબડી પાટીયા પાસે અશ્વમેઘ હોટલ સામે આવળ કોમ્પલેક્ષ પાછળ પાર્કીંગમાં દારૂની રેડ કરી હતી ત્યારે રેડ ટ્રેઇલર નંબર જીજે ૫૨ બીજી ૨૬૯૧ ચેક કરવામાં આવ્યું હતું ત્યારે ટ્રેઇલર ચેક કરતાં તેમાં સફેદ માટીની થેલીઑ ભરેલ હતી તેની આડમાં દારૂની હેરફેરી કરવામાં આવી રહી હોવાનું સામે આવ્યું છે જેથી કરીને પોલીસે દારૂની ૧૩૨ બોટલ  જેની કિંમત ૪૯,૫૦૦ કબ્જે કરેલ છે અને આરોપી દીપુ કલ્યાણસિંહ મીણા (૨૭) રહે. વૃંદ સિરાવાસ, તાલુકો અલવર (રાજસ્થાન) વાળાની ધરપકડ કરેલ છે આ કામગીરી પીઆઇ કે.એ.વાળાની સૂચના મુજબ પીએસઆઈ વી.જી.જેઠવા તેમજ જયદેવસિંહ ઝાલા, અજીતસિંહ પરમાર, દિનેશભાઇ બાવળીયા, વનરાજભાઇ ચાવડા, ફતેસંગ પરમાર, દિવ્યરાજસિંહ જાડેજા, ભગીરથભાઇ લોખીલ, જયદીપભાઇ પટેલ, પંકજભા ગુઢડા, પૃથ્વીરાજસિંહ જાડેજા, કુલદિપભાઇ કાનગડ, કેતનભાઇ અજાણા, દેવશીભાઇ મોરી રોકાયેલ હતા.