મોરબીના કોયલી ગામે જાહેરમાં જુગાર રમતા છ શખ્સ ઝડપાયા

મોરબી તાલુકાના કોયલી ગામે જાહેરમાં ઝાડ નીચે જુગાર રમતા છ શખ્સો મળી આવ્યા હતા જેથી કરીને પોલીસે તેની પાસેથી ૩૮૭૦૦ ની કિંમતની રોકડ કબજે કરી હતી અને તેની સામે જુગારધારા હેઠળ મોરબી તાલુકા પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે

જાણવા મળતી માહિતી મુજબ મોરબી તાલુકાના કાસા કોયલી ગામે લગ્ન સમિતિના હોલ પાસે ઝાડ નીચે જાહેરમાં જુગાર રમતા હોવાની મોરબી એલસીબીની ટીમને બાતમી મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી જુગાર રમતા દિનેશભાઈ પુનાભાઈ ડાંગર (૪૨), ગોવિંદભાઈ હરજીવનભાઈ પનારા (૫૦), પરેશભાઈ દેવાભાઈ રાણીપા (૩૩), શૈલેષભાઈ સવજીભાઈ ઘોડાસરા (૪૧), પ્રભુભાઈ તળશીભાઇ બાવરવા (૬૩) અને મુકેશભાઈ ધીરુભાઈ પીપળીયા (૩૫) જુગાર રમતા મળી આવ્યા હતા જેથી કરીને પોલીસે તેની પાસેથી ૩૮૭૦૦ ની રોકડ કબજે કરી હતી અને તેની સામે મોરબી તાલુકા પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી હતી