મોરબી જિલ્લાના આઇટીઆઇમાં પ્રવેશ માટે ચોથા તબક્કામાં અરજી લેવાનું શરૂ

રોજગાર અને તાલીમ ખાતાના નિયંત્રણ હેઠળની રાજયની મોરબી જિલ્લાની સરકારી આઈ.ટી.આઈ મોરબી, માળીયા-મિયાણા, હળવદ, ટંકારા, તથા વાંકાનેરમાં કેટલાક વ્યવસાય કોર્ષમાં પ્રવેશસત્ર ઓગષ્ટ-૨૦૨૩ માં જૂજ બેઠકો ખાલી રહેલ છે.

આથી પ્રવેશવાંચ્છું ઉમેદવારોએ જિલ્લાની ઔદ્યોગિક તાલીમ સંસ્થાઓ ખાતેથી તેમજ ઇન્ટરનેટના માધ્યમથી ઓનલાઇન https://itiadmission.gujarat.gov.in  ઉપરથી નવીન પ્રવેશ ફોમ ભરી જે સંસ્થા ખાતે પ્રવેશ મેળવવા ઇચ્છતા હોય તે સંસ્થા ખાતે રૂ.૫૦/- રજીસ્ટ્રેશન ફી સાથે જરૂરી પ્રમાણપત્રો સહીત પરત જમા કરાવવાનું રહેશે. જે ઉમેદવારોએ અગાઉ ઓનલાઇન પ્રવેશ ફોમ ભરેલ હોય અને કોઇ કારણોસર પ્રવેશ મેળવી શકેલ ન હોય તો તેવા ઉમેદવારોએ અલગથી રજીસ્ટ્રેશન ફી ભરવાની રહેતી નથી તેઓએ ઓનલાઇન પ્રવેશ ફોમ, રજીસ્ટ્રેશન ફીની રસીદની ઝેરોક્ષ નકલ સહીત સંબધિત સંસ્થાને અરજી કરવાની રહેશે. આ બેઠકો ભરવાની ચોથા રાઉન્ડની કાર્યવાહી ઔદ્યોગીક તાલીમ સંસ્થા મોરબી, માળીયા(મિંયાણા), હળવદ, ટંકારા, તથા વાંકાનેર ખાતે તારીખ: ૨૩ થી ૩૧ પ્રવેશના ચોથા રાઉન્ડ અંતર્ગત ઓનલાઈન ફોર્મ ભરીને રજીસ્ટ્રેશન ફી ભરી પ્રવેશ કન્ફર્મ કરાવવાનું રહેશ તેવું મોરબી ઔદ્યોગીક તાલીમ સંસ્થાના આચાર્યની યાદીમાં જણાવાયું છે