મોરબી નજીક કારખાનામાં કામ કરતા સમયે મશીન ઉપરથી નીચે પડેલા યુવાનનું સારવાર દરમ્યાન મોત

મોરબી માળિયા હાઇવે ઉપર આવેલ કારખાનામાં મશીન ઉપર કામ કરતી વખતે ક્રેઇન વોઈસ ઉપરથી નીચે પડતા યુવાનને કમરના ભાગે ગંભીર ઇજા થઈ હતી જેથી તેના મોરબીમાં પ્રાથમિક સારવાર આપીને વધુ સારવાર માટે રાજકોટની સિનર્જી હોસ્પિટલ ખાતે લઈ જવામાં આવ્યો હતો જોકે સારવાર દરમિયાન તે યુવાનનું મોત નીપજ્યું હતું જેથી આ બનાવની રાજકોટની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે

બનાવની જાણવા મળતી માહિતી મુજબ મોરબી માળિયા હાઇવે ઉપર આવેલ લક્ષ્મીનગર ગામ પાસે કાયસન પોલીમર્સ એલએલપી કંપનીમાં રહેતા અને ત્યાં મજૂરી કામ કરતા મુકેશભાઈ રામજીભાઈ અસારી (૨૬) ગત તા. ૨૬/૮ ના રાત્રીના ૯:૩૦ વાગ્યાના અરસામાં મશીન પર કામ કરતા હતા ત્યારે ક્રેઇન વોઈસ ઉપરથી નીચે પડતા યુવાનને કમરના ભાગે ગંભીત ઇજા થઈ હતી જેથી કરીને તે યુવાનને સારવાર માટે પ્રથમ મોરબીના શનાળા રોડ ઉપર આવેલ ક્રિષ્ના હોસ્પિટલ ખાતે લઈને ગયા હતા અને ત્યાં તેને સારવાર આપ્યા બાદ વધુ સારવાર માટે તેને રાજકોટની સીનર્જી હોસ્પિટલ ખાતે લઈ ગયા હતા જોકે, સારવાર દરમિયાન તે યુવાનનું મોત નીપજયું હતું જેથી કરીને આ બનાવની રાજકોટની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે અકસ્માત મૃત્યુના બનાવની નોંધ કરી આગળની કાર્યવાહી કાર્યવાહી હાથ ધરી છે અને આ બનાવની આગળની વધુ તપાસ મોરબી તાલુકા પોલીસ સ્ટેશનના ફિરોજભાઈ સુમરા ચલાવી રહ્યા છે