મોરબીમાં પાલિકાના ભાજપના માજી મહિલા સદસ્યને કોંગ્રેસનાં આગેવાને ચૂંટણીનો ખાર રાખીને ગાળો આપી
Morbi Today
વાંકાનેરના પીપરડી ગામે રહેતા યુવાન સાથે દાગીના-રોકડા રૂપિયાની છેતરપિંડી
SHARE
JOIN OUR GROUP
વાંકાનેરના પીપરડી ગામે રહેતા યુવાન સાથે દાગીના-રોકડા રૂપિયાની છેતરપિંડી
વાંકાનેરના પીપરડી ગામે રહેતા પરિવાર પાસેથી દાગીના બનાવવા માટે નામુનાની જરૂર છે તેવુ કહીને દાગીના લઈ ગયા પછી તે પાછા ન આપીને છેતરપિંડી અને વિશ્વાસઘાત કરવામાં આવેલ છે તેમજ સાહેદને તેના દીકરીની પોતાના ભાણેજ સાથે સગાઈ કરવી આપવાનું કહીને રોકડા રૂપિયા તેમજ દાગીના લઈને ભાગી ગયેલ છે જેથી કરીને વાંકાનેર તાલુકા પોલીસ સ્ટેશન ખાતે એક શખ્સની સામે છેતરપિંડી અને વિશ્વાસઘાતની ફરિયાદ નોંધાવવામાં આવતા પોલીસે ગુનો નોંધીને આગળની કાર્યવાહી કરેલ છે
બનાવની જાણવા મળતી વિગત મુજબ વાંકનેરના પીપરડી ગામે રહેતા ગફારભાઇ આહમદભાઇ ચારોલીયા (૪૬) એ વાંકાનેર મિલ પ્લોટમાં રહેતા આરોપી તમાચીભાઇ હાજીભાઇ વીકીયા સામે છેતરપિંડી અને વિશ્વાસઘાતની ફરિયાદ નોંધાવી છે જેમાં તેને જણાવ્યુ છે કે, આરોપી તેમની પાસેથી સોનાના દાગીના બનાવવા છે તેવું કહીને નમૂના માટે જુદાજુદા નવ તોલાના દાગીના લઈ ગયો હતો જેમાં એક સોનાનો હાર, એક સોનાનો દોરો, કાનમાં પહેરવાના ઇયરીંગની સોનાની એક જોડી, કાનમાં પહેરવાની તુટેલી સોનાની કડી અને કાનમાં પહેરવાની સોનાની બુટી એક જોડીનો સમાવેશ થાય છે તેમજ ફતેમામદભાઇ બાદીના દીકરા સાથે પોતાની ભાણેજની સગાઈ કરાવનું કહીને રોકડા રૂપિયા ૭૫ હજાર તેમજ એક સોનાનો નાકનો દાણો ૧૪૦ મીલી ગ્રામ, ચાંદીની પગની ઝાંઝરી ૫૦ ગ્રામ, માથે ઓઢવાની ચુંદડી અને એક જોડી કપડા લઇ જઇ સગાઇ બીજી જગ્યાએ કરાવી દીધી છે અને યુવાનની સાથે છેતરપિંડી અને વિશ્વાસઘાત કરેલ છે જેથી કરીને હાલમાં યુવાને નોંધાવેલ ફરિયાદ આધારે પોલીસે છેતરપિંડી અને વિશ્વાસઘાતનો ગુનો નોંધીને આરોપીને પકડવા માટે તજવીજ શરૂ કરેલ છે
