મોરબીની મહેન્દ્રનગર ચોકડી પાસેથી ચોરાઉ બાઇક સાથે પકડાયેલા બેલડીએ પાંચ બાઇક ચોરીની આપી કબૂલાત !
SHARE
JOIN OUR GROUP
મોરબીની મહેન્દ્રનગર ચોકડી પાસેથી ચોરાઉ બાઇક સાથે પકડાયેલા બેલડીએ પાંચ બાઇક ચોરીની આપી કબૂલાત !
મોરબીમાં વાહન ચોરીના બનાવો છેલ્લા સમયમાં ઘણા બનેલ છે જેથી કરીને મોરબી બી ડિવિઝન પોલીસ દ્વારા આરોપીને પકડવા માટે જાળ બિછાવવામાં આવી હતી જેમાં મોરબીની મહેન્દ્રનગર ચોકડી પાસેથી રેઢું પડેલ બાઇક ચોરી કરતાંની સાથે જ પોલીસે વાહન ચોર બેલડીને ચોરાઉ બાઈકની સાથે રંગે હાથે પકડીને આગળની કાર્યવાહી કરી હતી.
મોરબીની મહેન્દ્રનગર ચોકડી પાસે આવેલ સીટી પોઇન્ટ કોમ્પલેક્ષ પાસે વાહન ચોરની ઘટના બનતી હોવાથી બાઇક ચોરને પકડવા માટે પોલીસે જ એક બાઇકને રેઢું મૂક્યું હતું અને ત્યાર બાદ વોચ ગોઠવી હતી ત્યારે વિમલભાઇ દીલીપભાઇ સુરાણી રહે. હરીઓમ પાર્ક ઘુટ રોડ મોરબી અને યશભાઇ ભગવાનજીભાઇ ચાડમીયા રહે. ગણેશ પાર્ક જુની પીપળી સામે મોરબી મુળ રહે. ખરેડા વાળા ત્યાં આવ્યા હતા અને તેને બાઈકની ચોરી કરી હતી અને ભગવા જતાં હતા ત્યાં પોલીસે તેને પકડી લીધા હતા અને આ શખ્સોની પૂછપરછ કરવામાં આવતા તેને પાંચ ચોરાઉ બાઇક કાઢી આપ્યા હતા જેમાં જીજે ૧૩ એફએફ ૮૭૭૬, જીજે ૧૩ પીપી ૩૦૪૦, જીજે ૧૩ ડીબી ૯૨૪૭, જીજે ૩ ઇ ૯૧૭૫ અને જીજે ૧ એફવી ૦૩૬૨ નો સમાવેશ થાય છે આ કામગીરી સીટી બી ડિવિઝન પીઆઇ પી.એ. દેકાવાડીયાની સૂચના મુજબ બી.આર.ખટાણા, નરેન્દ્રભારથી મહેંદ્રભારથી, વિજયભાઇ મુળુભાઇ, ચંદ્રસિંહ કનુભાઇ, ભરતભાઇ આપાભાઇ, કલ્પેશભાઇ અમરશીભાઇ, બ્રિજેશભાઇ જેસંગભાઇ, રમેશભાઇ રાયધનભાઇ, પ્રદિપસિંહ બહાદુરસિંહ, ધર્મેન્દ્રભાઇ મગનભાઇ, કિર્તીસિંહ બહાદુરસિંહ, શક્તિસિંહ કિશોરસિંહએ કરી હતી
