ટંકારાના ઘુનડા (ખા) ગામે વાડી વિસ્તારમાં કપાસમાં દવા છાટતા સમયે ઝેરી અસર થયેલ યુવાનનું મોત

ટંકારા તાલુકાના ઘુનડા ખાનપર ગામે વાડી વિસ્તારમાં કપાસમાં દવા છાટતા સમયે ઝેરી અસર થઇ હોવાથી યુવાનને ઉલટીઓ થવા લાગી હતી ત્યારબાદ તેને તાત્કાલિક સારવાર માટે મોરબી સુધી લઈને આવ્યા હતા જો કે સારવાર કારગત નિવડતા  યુવાનનું મોત થયુ હતું અને આ બનાવની મોરબીની સિવિલ હોસ્પિટલ મારફતે ટંકારા તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી

બનાવની જાણમાં મળતી વિગત પ્રમાણે મૂળ એમપીના અલીરાજપુર જિલ્લાના રહેવાસી અને હાલમાં ટંકારા તાલુકાના ઘુનડા ખાનપર ગામે રાજુભાઈ પટેલની વાડીએ રહેતા દિપકભાઈ રૂપનાથભાઈ મુરીયા નામનો યુવાન કપાસના ખેતરમાં દવા છાટતો હતો ત્યારે તેને ઝેરી અસર થઈ હતી જેથી કરીને તે યુવાનને ઉલટીઓ થવા લાગી હતી જેથી તેને તાત્કાલિક સારવાર માટે પ્રથમ ટંકારાની ખાનગી હોસ્પિટલમાં લઈને આવ્યા હતા અને ત્યાંથી વધુ સારવાર માટે મોરબીની સિવિલ હોસ્પિટલ ખાતે લઈને આવ્યા હતા દરમ્યાન તેનું મોત થયુ હતું જેથી કરીને આ બનાવની મોરબી સિવિલ હોસ્પિટલ મારફતે ટંકારા તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી આ બનાવની વધુ તપાસ ટંકારા તાલુકા પોલીસ સ્ટેશનના આઇ.ટી. જામ ચલાવી રહ્યા છે

બાઇક સ્લીપ

મોરબી તાલુકાના ખાનપર ગામ પાસેથી હાલ વાંકાનેરના ઢુવા વિસ્તારમાં રહેતા કરણ શેરસિંગ (૧૬) નામનો તરુણ પસાર થયો હતો ત્યારે બાઇક આડે કુતરુ ઉતરતા અકસ્માતનો બનાવ બન્યો હતો અને બાઇક સ્લીપ થઈ ગયુ હતુ જેથી કરીને ઇજાઓ થઇ હોવાથી ઇજાગ્રસ્ત હાલતમાં તેને મોરબીની ખાનગી હોસ્પિટલમાં લઈને આવ્યા હતા અને ત્યાં તેને સારવાર આપ્યા બાદ આ બનાવ અંગેની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી રાબેતા મુજબની કાર્યવાહી હાથ ધરી છે

સાપ કરડી ગયો

મોરબીના લખધીરપુર રોડ ઉપર રહેતા રામપ્રસાદ પ્રભાકરભાઈ (૪૧) નામના યુવાનને સાપ કરડી ગયો હતો જેથી કરીને તેને સારવાર માટે મોરબીની સિવિલ હોસ્પિટલે લઈને આવ્યા હતા અને ત્યાં તેને સારવાર આપ્યા બાદ આ બનાવ અંગેની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી કરેલ છે અને આ બનાવની આગળની વધુ તપાસ જસપાલસિંહ જાડેજા ચલાવી રહ્યા છે