માળિયા (મીં) ના જાજસર ગામે જુગાર રમતા સાત જુગારી પકડાયા
SHARE
JOIN OUR GROUP
માળિયા (મીં) ના જાજસર ગામે જુગાર રમતા સાત જુગારી પકડાયા
માળિયા તાલુકાના જાજસર ગામે કોળીવાસમાં જાહેરમાં જુગાર રમતા હોવાની હકીકત મળી હતી.જેના આધારે પોલીસે ત્યાં જુગારની રેડ કરી હતી ત્યારે સાત શખ્સો જુગાર રમતા મળી આવ્યા હતા.જેથી પોલીસે રૂા.૧૦,૬૫૦ ની રોકડ કબ્જે કરી આગળની કાર્યવાહી હાથ ધરી હતી.
માળીયા મીંયાણા તાલુકાના જાજસર ગામે કોળીવાસમાં લીમડાના ઝાડ નીચે જાહેરમાં જુગાર રમતા હોવાની માળિયા પોલીસને હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે સામાભાઈ વીરાભાઇ કારૂ (૪૨), વિભાભાઈ દેવસળભાઈ પાટડીયા (૩૨), વનરાજભાઈ કાનાભાઈ કારૂ (૨૮), મગનભાઈ બચુભાઈ કારૂ (૪૦), રમેશભાઈ જેસાભાઇ કારૂ (૨૭), રાજુભાઈ મનુભાઈ સાલાણી (૩૨) અને વિરમભાઈ પુંજાભાઈ માલાણી (૨૮) રહે. બધા જાજસર વાળા જુગાર રમતા મળી આવ્યા હતા જેથી કરીને પોલીસે તેની પાસેથી ૧૦,૬૫૦ ની રોકડ કબજે કરી હતી અને તેની સામે માળિયા મીંયાણા તાલુકા પોલીસ સ્ટેશન ખાતે ગુનો નોંધી પોલીસે આગળની રાબેતા મુજબની કાર્યવાહી હાથ ધરી છે
મહિલા સારવારમાં
મોરબીના રહેવાસી મહેરબાનુ અલારખાભાઈ મોવર નામની ૩૫ વર્ષીય મહિલાને વાહન અકસ્માતના બનાવમાં ઈજા થતા ખાનગી હોસ્પિટલમાં સારવાર માટે લઈ જવામાં આવી હતી.પોલીસના જણાવ્યા મુજબ મહેરબાનુબેન મોવર નામની મહિલા બાઈક ઉપર જતા હતા.ત્યારે મોરબીના જૂના બસ સ્ટેશન પાસે તેઓ બાઈકમાંથી નીચે પડી જતા ઇજા થતા સારવાર માટે દવાખાને લઈ જવાયા હતા જે બાબતે એ ડિવિઝન પોલીસ મથકના હરેશભાઈ ચાવડા વધુ તપાસ ચલાવી રહ્યા છે.
ઝેરી જનાવર કરડી ગયું
મોરબીના માળિયા મીંયાણા તાલુકાના વાધરવા ગામે રહેતા નૂરજાબેન મુકેશભાઈ બંધન નામની ૨૫ વર્ષની મહિલાને વાધરવા ગામે કોઈ ઝેરી જનાવર કરડી જવાથી સારવાર માટે મોરબીની સિવિલ હોસ્પિટલે લાવવામાં આવ્યા હતા.
