મોરબીમાં મહિલાને પાડોશમાં રહેતી બે મહિલાઓએ માર માર્યો
SHARE
JOIN OUR GROUP
મોરબીમાં મહિલાને પાડોશમાં રહેતી બે મહિલાઓએ માર માર્યો
મોરબીના સામાકાંઠે વિસ્તારમાં વેજીટેબલ રોડ ઉપર આવેલ લાભનગરમાં રહેતા મહિલાને ત્યાં પાડોશમાં રહેતા બે મહિલાઓ દ્વારા ધમકી આપીને ત્રાસ આપવામાં આવતો હતો અને માર માર્યો હતો જેથી કરીને ઇજા પામેલ મહિલાને સારવાર માટે મોરબીની સિવિલ હોસ્પિટલ ખાતે લઈને આવ્યા હતા જ્યાં તેને સારવાર આપ્યા બાદ આ બનાવની મોરબી બી ડિવિઝન પોલીસને જાણ કરવામાં આવતા પોલીસે બનાવાની નોંધ કરી આગળની કાર્યવાહી હાથ ધરી છે
બનાવની જાણવા મળતી માહિતી મુજબ મોરબીના સામાકાંઠા વિસ્તારમાં વેજીટેબલ રોડ ઉપર આવેલ લાભનગર વિસ્તારમાં રહેતા પુષ્પાબેન દીપાંકરભાઈ ચક્રવર્તી (૩૬)ને ત્યાં રહેતા સવિતાબેન મહેતા અને અસ્મિતાબેન શાહ છેલ્લા દસ દિવસથી ધમકી આપીને ત્રાસ આપતા હતા અને માર માર્યો હતો જેથી કરીને તેને ઇજા થઇ હોવાથી પુષ્પાબેન ચક્રવર્તીને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવની મોરબી બી ડિવિઝન પોલીસને જાણ કરવામાં આવતા પોલીસે બનાવી નોંધ કરી આગળની કાર્યવાહી કરેલ છે અને આ બનાવની પ્રાથમિક તપાસ વી.કે. ચાવડા દ્વારા કરવામાં આવી હતી
ફિનાઇલ પીધું
મોરબી નજીકના લાલપર ગામે રહેતા પાયલબેન મયંકભાઇ સાવડીયા (૨૦) નામના મહિલા કોઈ કારણોસર ફીનાઇલ પી ગયા હતા જેથી તેને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી કરી છે અને આ બનાવની આગળની વધુ તપાસ મોરબી તાલુકા પોલીસ સ્ટેશનના પી.એસ.આઇ. બગડા તથા તેની ટીમ દ્વારા કરવામાં આવી રહી છે
ટીકડા ખાધા
મોરબી વાંકાનેર હાઇવે ઉપર આવેલ મકાનસર ગામે રહેતા પૂજાબેન હિતેશભાઈ તલસાણીયા (૨૮) નામની મહિલા કોઈ કારણોસર ઘઉંમાં નાખવાના ટીકડા ખાઈ ગઈ હતી જેથી કરીને તેને સારવાર માટે મોરબીની સિવિલ હોસ્પિટલ ખાતે લઈને આવ્યા હતા ત્યાં તેને સારવાર આપ્યા બાદ આ બનાવની મોરબી સિવિલ હોસ્પિટલ દ્વારા મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે અને આ બનાવની વધુ તપાસ મોરબી તાલુકા પોલીસ સ્ટેશનના મહેશભાઈ કહાંગરા ચલાવી રહ્યા છે
