મોરબી અને સરવડ ગામ પાસેથી જુદાજુદા બે બાઇકની ચોરી
SHARE
JOIN OUR GROUP
મોરબી અને સરવડ ગામ પાસેથી જુદાજુદા બે બાઇકની ચોરી
મોરબી શહેરના આયોધ્યાપુરી મેઇન રોડ ઉપર આવેલ મોરબી શોપિંગ સેન્ટર પાસેથી તેમજ માળિયા તાલુકાના સરવડ ગામ નજીક આવેલ હનુમાન મંદિર પાસેથી જુદા જુદા બે બાઈકની ચોરી થયેલ છે જેથી કરીને ભોગ બનેલા યુવાનો દ્વારા સ્થાનિક પોલીસ સ્ટેશનમાં બાઇક ચોરીની ફરિયાદો નોંધવામાં આવતા પોલીસે જુદા જુદા બે ગુના નોંધી આરોપીને પકડવા માટે તજવીજ શરૂ કરેલ છે
બનાવવાની જાણવા મળતી વિગત પ્રમાણે મોરબીમાં પંચાસર રોડ ઉપર આવેલ કુળદેવી ડેરી વાળી શેરીમાં ધરતી પાર્ક-૧ માં રહેતા જીતેન્દ્રભાઈ સુંદરજીભાઈ ભટાસણા જાતે પટેલ (૫૦)એ હાલમાં મોરબી એ ડિવિઝન પોલીસ સ્ટેશન ખાતે બાઈક ચોરીની ફરિયાદ નોંધાવેલ છે જેમાં તેને જણાવ્યુ છે કે મોરબીના આયોધ્યાપુરી મેઇન રોડ ઉપર આવેલ મોરબી શોપિંગ સેન્ટરની શેરીમાં તેમણે પોતાનું બાઈક નંબર જીજે ૩૬ ડી ૮૯૭૬ પાર્ક કરીને મૂક્યું હતું જે બાઈકની કોઈ અજાણ્ય શખ્સ દ્વારા ચોરી કરવામાં આવેલ છે જેથી કરીને ચાલીસ હજાર રૂપિયાની કિંમતમાં બાઈકની ચોરી થઈ હોવાની પોલીસે ફરીયાદ નોધીને આરોપીને પકડવા માટે તજવીજ શરૂ કરેલ છે અને આ બનાવની આગળની વધુ તપાસ મોરબી એ ડિવિઝન પોલીસ સ્ટેશનના એ.એમ. જાપડીયા ચલાવી રહ્યા છે
માળિયા તાલુકાના સરવડ ગામે રહેતા અને ખેતી કામ કરતા દિનેશભાઈ વાલજીભાઈ સરડવા જાતે પટેલ (૪૫)એ માળીયા મીયાણા તાલુકા પોલીસ સ્ટેશન ખાતે બાઇક ચોરીની ફરિયાદ નોંધાવી છે જેમાં તેને જણાવ્યુ છે કે, સરવડ ગામ પાસે આવેલ સતેશ્વર હનુમાન મંદિર સામે તેઓએ પોતાનું બાઈક નંબર જીજે ૧૨ એ ૩૯૬૦ પાર્ક કરીને મૂક્યું હતું જે બાઈકની કોઈ અજાણ્યા શખ્સ દ્વારા ચોરી કરવામાં આવેલ છે જેથી કરીને દસ હજાર રૂપિયાની કિંમતમાં બાઈકની ચોરી થઈ હોવા અંગેની ભોગ બનેલા યુવાન દ્વારા માળિયા તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધી આરોપીને પકડવા માટે તજવીજ શરૂ કરે છે
