ટંકારાના ભૂત કોટડા ગામની શાળામાં ભણતા બાળકો માટે બાળવસ્ત્રાલય સેવા યજ્ઞ

હાલ સરકારી શાળાઓમાં મજૂર વર્ગના બાળકોની સંખ્યા વધારે છે અને નજીકમાં જ દિવાળી જેવો તહેવાર આવી રહ્યો છે ત્યારે આ બાળકોને સારા કપડાં પહેરવા મળી રહે તે માટે ત્યાંના શિક્ષિકા બહેને એક અનોખું બાળ વસ્ત્રાલયનું સ્થાપન કર્યું છે. અને સારા કપડાં જે લોકોને પહેરવામાં ટૂંકા થતાં હોય અથવા તો જવા દેવાના હોય તે કપડાં આર્થિક રીતે પછાત વર્ગના બાળકો માટે આશીર્વાદ રૂપ થઈ શકે છે.જેથી કરીને શાળાના બાળકો માટે આ વસ્ત્રાલય શરૂ કરવામાં આવ્યું છે જેમાં દિવાળીના દિવસોમાં બાળકોને સારા કપડા મળે તેના માટે શિક્ષિકા ગીતાબેનનો સંપર્ક કરવા જણાવ્યુ છે.જો આ સારા વિચારને જિલ્લાની અન્ય શાળાના શિક્ષકો દ્વારા પણ અનુસરવામાં આવે તો અનેક બાળકોના મુખ ઉપર તહેવારોમાં ખુશી ચમકી શકે છે.