ટંકારાના ધ્રુવનગર પાસે આગ લગતા આખે આખી ઇકો ગાડી બળીને ખાખ

મોરબી રાજકોટ હાઇવે ઉપર આવેલ ટંકારા તાલુકાના ધ્રુવનગર ગામ પાસેથી ગત મોડી સાંજના સમયે ઇકો ગાડી પસાર થઈ રહી હતી ત્યારે કોઈ કારણોસર તે ઇકો ગાડીમાં આગ લાગવાની ઘટના બની હતી અને જોતામાં આખે આખી ગાડી આગની ઝપેટમાં આવી ગઈ હતી અને આ બનાવની સ્થાનિક અધિકારીઓને તેમજ ફાયર વિભાગની ટીમને જાણ કરવામાં આવતા મોરબી નગરપાલિકાની ફાયર વિભાગની ટીમ તાત્કાલિક ઘટના સ્થળે જવા માટે થઈને રવાના થઈ હતી જોકે, ફાયર વિભાગની ટીમે સ્થળ ઉપર જઈને કારમાં લાગેલી આગને કાબુમાં કરી ત્યાં સુધીમાં આખે આખી કાર બળીને ખાખ થઈ ગઈ હતી અને વધુમાં સૂત્ર પાસેથી જાણવા મળતી માહિતી મુજબ કારમાં આગ લાગતાની સાથે જ કારમાં બેઠેલ વ્યક્તિઓ નીચે ઉતરી ગયા હતા અને અધિકારીઓ તથા ફાયરની ટિમ ઘટના સ્થળે પહોંચી ત્યારે તે કારના માલિકે કે ચલાવનાર વ્યક્તિ કોઈ ત્યાં હાજર ન હતા જોકે આ આગ લાગવાની ઘટનાના કારણે હાઇવે ઉપર બીજી કોઈ દુર્ઘટના ન સર્જાય તે માટે ટંકારા તાલુકા પોલીસની ટીમ પર તાત્કાલિક ત્યાં પહોચી હતી અને ટ્રાફિકને ડાયવર્ટ કરીને મોરબી રાજકોટ હાઇવે ઉપરનો ટ્રાફિક કાર્યરત રાખ્યો હતો