વાંકાનેરના ખીજડીયા (રાજ) ગામે ચરિત્રની શંકા રાખીને મહિલા ઉપર તેના જ પતિનો ચપ્પા વડે હુમલો

વાંકાનેર તાલુકાના ખીજડીયા (રાજ) ગામે રહેતી મહિલાના ચરિત્ર ઉપર શંકા કરીને તેના પતિએ તેની સાથે ઝઘડો કરીને ઝપાઝપી કરી હતી અને તેની પાસે રહેલ ચપ્પા વડે હુમલો કરીને મહિલાને ડાબા જડબામાં, ગળાની પાછળ અને ડાબા પડખામાં ઇજા કરી હતી અને ત્યારે તે મહિલાને બચાવવા તેની દીકરી વચ્ચે પડતા તેને પણ ગળાના ભાગે ચપ્પા વડે ઇજા કરીને જેમ ફાવે તેમ ગાળો આપી હતી જેથી ભોગ બનેલ મહિલા દ્વારા સારવાર લેવામાં આવ્યા બાદ હાલમાં તેના પતિની સામે વાંકાનેર તાલુકા પોલીસ સ્ટેશન ખાતે ફરિયાદ નોંધાવવામાં આવી છે જેથી પોલીસે ગુનો નોંધી આગળની કાર્યવાહી હાથ ધરી છે

બનાવની જાણવા મળતી માહિતી મુજબ વાંકાનેર તાલુકાના ખીજડીયા (રાજ) ગામે રહેતા દયાબેન કમલેશભાઈ ગોગીયા જાતે અનુ. જાતિ (૪૦)એ હાલમાં વાંકાનેર તાલુકા પોલીસ સ્ટેશન ખાતે તેના પતિ કમલેશભાઈ ગોવિંદભાઈ ગોગિયા. રહે ખીજડીયા (રાજ) વાળાની સામે ફરિયાદ નોંધાવેલ છે જેમાં તેને જણાવ્યુ છે કે, તેના પતિએ તેના ઉપર ચરિત્રની શંકા કરીને તેની સાથે ઝઘડો કર્યો હતો અને ત્યારબાદ ઝપાઝપીને પોતાની પાસે રહેલ ચપ્પુ વડે હુમલો કર્યો હતો અને ફરિયાદીને ડાબા હાથે, જડબામાં, ગળાની પાછળ અને ડાબી બાજુ પડખામાં ઇજા કરી હતી અને ત્યારે મહિલાને બચાવવા માટે તેને દીકરી વચ્ચે પડતા તેને પણ ગળાના ભાગે ચપ્પા વડે ઇજા કરી હતી અને જેમ ફાવે તેમ ગાળો આપી હતી જેથી કરીને ભોગ બનેલ મહિલાએ સારવાર લીધા બાદ હાલમાં તેના પતિ સામે ફરિયાદ નોંધાવી છે જેથી કરીને પોલીસે ગુનો નોંધીને આઈપીસી કલમ ૩૨૩, ૩૨૪, ૫૦૪ તથા જીપી એક્ટની કલમ ૧૩૫ મુજબ ગુનો નોંધી આરોપીને પકડવા માટે તજવીજ શરૂ કરી છે