મોરબીના મચ્છુ-3 ડેમનો એક દરવાજો ખોલીને નદીમાં પાણી છોડ્યુ 

મોરબી નજીકના જુના સાદુળકા ગામ પાસે આવેલા મચ્છુ-૩ ડેમમાં હાલમાં પાણી ભરેલ છે અને તે ડેમમાં રિપેરિંગ કામ કરવાનું છે જેથી કરીને ડેમનું પાણી નદીમાં છોડવાનો નિર્ણય કરવામાં આવ્યો હતો અને આજે સવારે આઠ વાગ્યાથી ડેમનો એક દરવાજો ખોલીને પાણી નદીમાં છોડવામાં આવ્યું છે અને તે પહેલા મોરબી અને માળીયાના ૨૧ ગામોને એલર્ટ કરવામાં આવેલ છે

સામાન્ય રીતે ચોમાસા પહેલા ડેમમાં રિપેરિંગ કામ કરવામાં આવતું હોય છે તેવી જ રીતે મોરબીના મચ્છુ-૩ ડેમમાં રિપેરિંગ કામ કરવાનું છે જેથી કરીને આજે તા ૨૬ ને શુક્રવારે સવારે ૮:૦૦ વાગ્યેથી ડેમમાં રહેલ પાણીને એક દરવાજો ખોલીને નદીમાં છોડવાનું નક્કી કરવામાં આવ્યું હતી અને આજે સવારથી મચ્છુ નદીમાં પાણી છોડવામાં આવેલ છે જેથી તે પહેલા મોરબીના ગોર ખીજડીયા, વનાળીયા, માનસર, નારણકા, નવા સાદુળકા, જુના સાદુળકા, રવાપર (નદી), ગુંગણ, જુના નાગડાવાસ, નવા નાગડાવાસ, અમરનગર, બહાદુરગઢ, સોખડા અને માળિયાના દેરાળા, મેઘપર, નવાગામ, રાસંગપર, વિરવદરકા, માળિયા (મિ.), હરીપર અને ફતેપર ગામના લોકોને એલર્ટ કરવામાં આવેલ છે અને નદીના પટમાં અવર જવર ન કરવા સૂચના આપવામાં આવેલ છ