હળવદ નજીક રાતકડી હનુમાન તરફ જવાના રસ્તે બાઇકને કાર ચાલકે હડફેટે લેતા આધેડનું મોત

હળવદ માળીયા હાઇવે રોડ ઉપર આવેલ રાતકડી હનુમાન તરફ જવાના રસ્તા પાસે કાર ચાલકે બાઈકને હડફેટ લીધૂ હતું જેથી કરીને અકસ્માતનો બનાવ બન્યો હતો અને અકસ્માતના બનાવમાં તેનો આધેડનું મોત નીપજ્યું હતું જે બનાવ સંદર્ભે હાલમાં મૃતકના દીકરાએ નોંધાવેલ ફરિયાદ આધારે પોલીસે કાર ચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે

જાણવા મળતી માહિતી મુજબ મૂળ વઢવાણ તાલુકાના વેળાવદર ગામના રહેવાસી અને હાલમાં હળવદમાં આવેલ વસંતપાર્કમાં રહેતા અશ્વિનભાઈ ગણેશભાઈ ચૌહાણ જાતે દલવાડી (૨૮) એ કાર ચાલક માનગઢના માજી સરપંચ વનજીભાઈ મગનભાઈની સામે હળવદ તાલુકા પોલીસ સ્ટેશન ખાતે ફરિયાદ નોંધાવેલ છે જેમાં તેણે જણાવ્યું છે કે તેઓના પિતા ગણેશભાઈ ગોવિંદભાઈ ચૌહાણ પોતાનું બાઈક નંબર જીજે ૧૩ એપી ૩૨૭૨ લઈને હળવદ નજીક આવેલ રાતકડી હનુમાનજી તરફ જવાના રસ્તા ઉપરથી પસાર થઈ રહ્યા હતા ત્યારે સિલ્વર કલરની આઈ ૧૦ ગાડી લઈને આરોપી ત્યાંથી નીકળતા તેણે ફરિયાદીના પિતાના બાઇકને હડફેટે લીધું હતું જેથી કરીને અકસ્માતનો બનાવ બન્યો હતો અને અકસ્માતના બનાવમાં ફરિયાદી યુવાનના પિતાને શરીરે ગંભીર ઇજા થયેલ હતી જેથી તેનું મોત નીપજયું અને અકસ્માત સર્જીને કારચાલક પોતાનું વાહન લઈને ત્યાંથી નાસી ગયો હતો જેથી કરીને હાલમાં ભોગ બનેલ આધેડના દીકરાઈની ફરિયાદ લઈને પોલીસે માનગઢના માજી સરપંચ સામે ગુનો નોંધી આરોપીને પકડવા માટે તજવીજ શરૂ કરી છે