મોરબીમાં અનેક વખત દારૂના ગુનામાં ઝડપાયેલ ઇસમ પાસા તળે ભાવનગર જેલ હવાલે
SHARE
JOIN OUR GROUP
મોરબીમાં અનેક વખત દારૂના ગુનામાં ઝડપાયેલ ઇસમ પાસા તળે ભાવનગર જેલ હવાલે
મોરબીમાં અગાઉ અનેક વખત દારૂના ગુનામાં પોલીસ ચોપડે ચડી ચૂકેલા શખ્સની સામે એ ડિવિઝન પોલીસ સ્ટાફ દ્વારા પાસાની પ્રપોઝલ તૈયાર કરવામાં આવી હતી અને રજૂ કરવામાં આવતા જિલ્લા મેજિસ્ટ્રેટ દ્વારા તે ઇસમને જેલ હવાલે કરવાનો હુકમ કરાયો હોય પોલીસે બુટલેગર સાહિલ ચાનીયાને પકડીને હાલ ભાવનગર જેલ હવાલે કર્યો છે.
મોરબી જીલ્લા પોલીસવડા રાહુલ ત્રિપાઠીની સુચના તથા ડીવાયએસપી પી.એ.ઝાલાના માર્ગદર્શન હેઠળ મોરબી શહેરમાં અસામાજીક તત્વોની પ્રવૃતીઓને ડામવા સુચના થતા મોરબી સીટી એ ડિવીઝન પોલીસ સ્ટેશન વિસ્તારમાં અવાર નવાર ઇંગ્લીશ દારૂના ગુનામાં પકડાયેલ સાહીલ રહીમભાઇ ચાનીયા (ઉમર ૨૨) રહે.મોરબી કાલીકા પ્લોટ વસીલા પાનવાળી શેરી વિરૂધ્ધ મોરબી સીટી એ ડીવીઝન દ્રારા પાસાની પ્રપોઝલ તૈયાર કરવામા આવેલ જે અન્વયે ડીસ્ટ્રીકટ મેજીસ્ટ્રેટ અને કલેક્ટર દ્રારા તે પાસા પ્રપોઝલ મંજુર કરીને પાસા વોરંટ ઇસ્યુ કરવામાં આવ્યુ હતુ.જેથી એ ડિવિઝન પીઆઇ હકુમતસિંહ જાડેજા દ્રારા સાહિલ ચાનીયાની અટકાયત કરીને પાસા વોરંટની બજવણી કરી હાલ તેને ભાવનગર જીલ્લા જેલ હવાલે કરવામાં આવેલ છે.
વાહન અકસ્માતમાં ઇજા
મોરબીના શનાળા ગામે રહેતા રાકેશભાઈ વલ્લભભાઈ પટેલ નામના ૨૫ વર્ષના યુવાનને મોરબીના રવાપર-ઘુનડા રોડ ઉપર આવેલી ક્રિષ્ના સ્કૂલથી આગળ વાહન અકસ્માતના બનાવમાં ઇજાઓ થઈ હતી.જેથી રાકેશભાઈ પટેલને સારવાર માટે અત્રેની સિવિલએ લાવવામાં આવ્યા હતા.જ્યાં તેમની સારવાર કરીને સિવિલ હોસ્પિટલ તરફથી પોલીસમાં જાણ કરાતા એ ડિવિઝન પોલીસ મથકના વિ.કે.પટેલ દ્વારા બનાવની નોંધ કરીને તપાસ કરવામાં આવી હતી. તે રીતે જ વાહન અકસ્માતનો બીજો બનાવ મોરબીના પંચાસર રોડ ઉપર ઉમીયાનગર જતા રસ્તે બન્યો હતો.જયાં બાઇક સ્લીપેજ થવાના બનાવમાં ગોપાલભાઈ ચુનીલાલ પરમાર (ઉમર ૩૪) રહે.સત્યમ હોલ સામે પંચાસર રોડ વાળાનું બાઈક ત્યાં સ્લીપ થઈ ગયું હતું.આ બનાવમાં ઇજા પામેલ ગોપાલ પરમારને ખાનગી હોસ્પિટલમાં સારવાર માટે લઈ જવાયો હતો અને ત્યાં સારવાર કરવામાં આવ્યા બાદ એ ડિવિઝન પોલીસમાં જાણ કરાતા સ્ટાફના વિપુલભાઈ પટેલ દ્વારા નોંધ કરીને તપાસ કરવામાં આવી હતી.
