માળીયા(મી)ના ચીખલીમાં જમીન પચાવી પાડનાર ચારની લેન્ડ ગ્રેબિંગના ગુનામાં ધરપકડ

મોરબી જિલ્લાના જુદાજુદા તાલુકામાં જમીન ઉપર દબાણ કરનારા શખ્સોની સામે ધડોધડ લેન્ડ ગ્રેબિંગની ફરિયાદનો નોંધીને તેની ધરપકડ કરવામાં આવી રહી છે ત્યારે માળીયા તાલુકાના ચીખલી ગામે જમીન ધરાવતા ખાખરેચીના ખેડૂતની જમીન ચાર શખ્સોએ કબ્જો કરલે હતો જેથી કરીને કલેકટરના આદેશ બાદ લેન્ડ ગ્રેબિંગની ફરિયાદ નોંધાઈ હતી જેના આધારે પોલીસે હાલમાં ચારેય આરોપીઓની ધરપકડ કરેલ છે

માળીયા(મી)ના ખાખરેચી ગામે રહેતા મનસુખભાઇ પ્રભુભાઇ ઓડીયાએ માળીયા તાલુકા પોલીસ સ્ટેશન ખાતે તેની ચીખલી ગામે આવેલી રેવન્યુ સર્વે નંબર ૨૨૩ વાળી જમીન હે-૨ આરે-૧૯ ચો.મી.-૫૪ વાળી જમીન ઉપર દબાણ કરવામાં આવ્યું હોવાની ફરિયાદ નોંધાવી હતી જેમાં ચીખલી ગામના ઇસાભાઇ દાઉદભાઇ પારેડી, રહેમાનભાઇ હાસમભાઇ જામ, હાજીભાઇ માલાણી પારેડી તથા ઘનશ્યામભાઇ ડાયાભાઇ ઓડીયાનો સમાવેશ થાય છે અને છેલ્લા ત્રણેક વર્ષથી આ જમીન પચાવી પાડી હોવાથી ફરિયાદીએ કલેકટરમાં અરજી કરી હતી અને કલેકટર દ્વારા લેન્ડ ગ્રેબિંગ એક્ટ હેઠળ ફરિયાદ નોંધવા આદેશ કરવામાં આવ્યો પછી ચારેય શખ્સોની સામે લેન્ડ ગ્રેબીંગ એકટ મુજબ ગુનો નોંધાયો હતો અને આ ગુનામાં પોલીસે ઇસાભાઇ દાઉદભાઇ પારેડી (૫૫), રહેમાનભાઇ હાસમભાઇ જામ (૫૦), હાજીભાઇ સુલેમાનભાઇ માલાણી (૬૫) તથા ઘનશ્યામભાઇ ડાયાભાઇ ઓડીયા (૫૮) રહે, બધા જ ચિખલી વાળાની સામે ફરિયાદ નોંધીને આગળની કાર્યવાહી કરેલ છે