મોરબીની મહિલાએ લક્ઝરી ક્લબમાં એક લાખ ભર્યા છતાં સેવામાં ખામી હોય વ્યાજ સહિત પૈસા ચૂકવવા અદાલતે કર્યો આદેશ, શુક્રવારે રાતે આયુર્વેદ અનુસાર દિનચર્યા ઉપર વક્તવ્ય મોરબીના બરવાળા નજીક રિક્ષા અને ડબલ સવારી વચ્ચે સર્જાયેલ અકસ્માતના બનાવમાં ખેવારીયા ગામના 2 અશસ્પદ યુવાનોના મોત મોરબી મહાપાલિકામાં વહીવટદારના શાસનમાં નજૂર થયેલ બે ગાર્ડન રદ્દ, મણિમંદિર પાસે ડેવલોપમેન્ટની ડિઝાઇન ચેન્જ કચ્છના કટારિયા ખાતે મોરબીના રાજા વિશાલસિંહના અધ્યક્ષ સ્થાને સ્નેહમિલનનો કાર્યક્રમ યોજાયો હૃદયના ધબકારા સાથે જ્યાં ધબકે છે બાળકોનું ખિલખિલાટ: મોરબી સિવિલ હોસ્પિટલનું SNCU બન્યું નવજાત શિશુઓના સુરક્ષિત ભવિષ્યની સંજીવની મોરબી જિલ્લામાં વિશ્વ AMR જાગૃતિ સપ્તાહનો પ્રારંભ: જનજાગૃતિ માટે ૨૪ નવેમ્બર સુધી વિશેષ અભિયાન મોરબીમાં કલેક્ટર કચેરીમાં યોજાયેલ ટાઈપિંગ સ્પર્ધામાં કલેક્ટરે પણભાગ લીધો  વેરાન વીડી બની લીલીછમ: મોરબીના કાલીકાનગર પાસે વીડીમાં ઘાસચારાની વિપુલ તકો
Breaking news
Morbi Today

મોરબી : રિવર્સમાં આવી રહેલ લોડર ટ્રેકટર નીચે કચડાઈ જવાથી મહિલાનું મોત


SHARE







































મોરબી નજીક કારખાનમા રિવર્સમાં આવી રહેલ લોડર ટ્રેકટર નીચે કચડાઈ જવાથી મહિલાનું મોત

મોરબીના માળીયા હાઇવે રોડ ઉપર આવેલ બહાદુરગઢ ગામના પાટીયા પાસે કારખાનામાં લોડર ટ્રેક્ટરના ચાલકે બેફિકરાયથી પોતાનું વાહન રિવર્સમાં લીધું હતું ત્યારે ત્યાં પાછળના ભાગે મહિલાને હડફેટે લેતા તેના માથા ઉપરથી ટ્રેક્ટરના ટાયર ફરી જતા મહિલાને ગંભીર ઈજા થઈ હોવાથી તે મહિલાનું મોત નીપજયું હતું. હાલમાં મૃતક મહિલાના પતિ દ્વારા મોરબી તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે લોડરના ચાલક સામે ગુનો નોંધી આરોપીને પકડવા માટે તજવીજ શરૂ કરી છે

બનાવની જાણવા મળતી માહિતી મુજબ મૂળ રાજસ્થાનના ડુંગરપુર જિલ્લાના ગંદલારા ગામના રહેવાસી અને હાલમાં મોરબી તાલુકાના બહાદુરગઢ ગામની સીમમાં આવેલ સ્વરા માઇક્રોન નામના કારખાનાના લેબર કવાર્ટરમાં રહેતા અને મજૂરી કામ કરતા લક્ષ્મણભાઈ લાલાભાઇ ગોદા જાતે આદિવાસી (52) નામના આધેડે હાલમાં મોરબી તાલુકા પોલીસ સ્ટેશન ખાતે લોડર ટ્રેક્ટર નંબર જીજે 36 એએલ 0476 ના ચાલક સામે મોરબી તાલુકા પોલીસ સ્ટેશન ખાતે ફરિયાદ નોંધાવેલ છે જેમાં તેને જણાવ્યું છે કે, કારખાનાના શેડમાં લોડરનો ચાલક તેનું વાહન રિવર્સમાં લઈ રહ્યો હતો ત્યારે પાછળથી તેમના પત્ની મંજુલાબેન લક્ષ્મણભાઈ ગોદા (35) પસાર થઈ રહ્યા હોય તેને હડફેટે લીધા હતા અને તે નીચે પડી જતા તેના માથા ઉપરથી ટ્રેક્ટર લોડરનું વ્હીલ ફરી જતા તેને માથાના ભાગે ગંભીર ઇજા થતાં તેનું મોત નીપજયું હતું જે બનાવમાં સંદર્ભે હાલમાં નોંધાયેલ ફરિયાદ આધારે પોલીસે આરોપીને પકડવા માટે તજવીજ શરૂ કરી છે. આ અંગેની આગળની વધુ તપાસ પીએસઆઇ એન.બી. ડાંગર ચલાવી રહ્યા છે.

સાપ કરડી ગયો

મોરબી તાલુકાના આમરણ નજીક કુંતાસી ગામે રહેતી આશીબેન રમેશભાઈ (9) નામની બાળકીને સાપ કરડી ગયો હતો જેથી તેને સારવાર માટે મોરબીની સરકારી હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી કરી છે અને આ બનાવની પ્રાથમિક તપાસ જીલુભાઈ ગોગરા દ્વારા કરવામાં આવી હતી

યુવાન સારવારમાં

મોરબી તાલુકાના ઘૂટું ગામ પાસે આવેલ રામકો વિલેજમાં રહેતો શૈલેન્દ્રસિંહ હસુભા પરમાર (35) નામનો યુવાન બાઇક લઇને ઘૂટુંથી માંડલ વચ્ચેના રસ્તા ઉપરથી પસાર થઈ રહ્યો હતો ત્યારે કેનાલ પાસે તેના બાઈકની આડે કૂતરું ઉતરતા અકસ્માત થયો હતો અને બાઈક સ્લીપ થવાના કારણે યુવાનને ઇજા થતાં ઇજાગ્રસ્ત હાલતમાં તેને સારવાર માટે મોરબીની ખાનગી હોસ્પિટલમાં લઈને આવ્યા હતા અને ત્યાં તેને સારવાર આપીને આ બનાવની મોરબી તાલુકા પોલીસને જાણ કરતા પોલીસે બનાવની નોંધ કરી રાબેતા મુજબની કાર્યવાહી હાથ ધરી છે.
















Latest News