મોરબીના શનાળા રોડે આવેલ ખાનગી હોસ્પિટલના પગથીયા ઉપરથી 30 હજારના મોબાઈલની ચોરી

મોરબીના સનાળા રોડ પર આવેલ સમર્પણ હોસ્પિટલના પગથીયા પાસેથી યુવાનનો મોબાઇલ કોઈ અજાણ્યા શખ્સ દ્વારા ચોરી કરવામાં આવેલ છે જેથી કરીને 30,000 રૂપિયાની કિંમતના મોબાઈલ ફોનની ચોરી થઈ હોવા અંગેની યુવાને મોરબી એ ડિવિઝન પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરી છે.

જાણવા મળતી માહિતી મુજબ હળવદના રાતાભેર ગામે રહેતા દેવરાજભાઈ ચતુરભાઈ નદેહારીયા (22) નામના યુવાને એ ડિવિઝન પોલીસ સ્ટેશન ખાતે ચોરીની ફરિયાદ નોંધાવી છે જેમાં તેને જણાવ્યું છે કે, મોરબીના શનાળા રોડ પર આવેલ સમર્પણ હોસ્પિટલના પગથિયા ઉપર તેને પોતાનો i-phone 13 મોબાઈલ ફોન મૂક્યો હતો જે 30 હજાર રૂપિયાનો મોબાઇલ ફોન કોઈ અજાણ્યો શખ્સ નજર ચૂકવીને ચોરી કરીને લઈ ગયેલ છે.જેથી ભોગ બનેલ યુવાન દ્વારા હાલમાં નોંધાવવામાં આવેલ ફરિયાદ આધારે પોલીસે અજાણ્યા શખ્સની સામે ચોરીનો ગુનો નોંધીને આરોપીને પકડવા માટે તજવીજ શરૂ કરી છે.

હોટલ સંચાલક સામે કાર્યવાહી

મોરબીના શનાળા રોડ ઉપર આવેલ સતવેદ પ્લાઝા શોપિંગમાં ડ્રીઝલ પીઝા નામની હોટલમાં બહારના રાજ્યના શ્રમિકો કામ કરતા હતા તેની માહિતી સ્થાનિક પોલીસ સ્ટેશનમાં આપવામાં આવી ન હતી જેથી કરીને હોટલના સંચાલક સુધીરભાઈ પરસોતમભાઈ અકબરી (28) રહે ભક્તિનગર સર્કલ પાસે મઢુલી હોટલની પાછળ મોરબી મૂળ રહે. અમરાપુર જિલ્લો અમરેલી વાળા સામે ગુનો નોંધીને પોલીસ આગળની કાર્યવાહી હાથ ધરી છે.