હળવદના ચરાડવા ગામે ટ્રક ટ્રેલરના ચાલકે બાઇકને હડફેટે લેતા ઇજા પામેલા યુવાનનું મોત
Morbi Today
વાંકાનેરમાં જૂની બોલાચાલીનો ખાર રાખીને યુવાનના હાથમાં બચકું ભરી લઈને છરી બતાવીને જાનથી મારી નાખવાની ધમકી: બે સામે ફરિયાદ
SHARE
JOIN OUR GROUP
વાંકાનેરમાં જૂની બોલાચાલીનો ખાર રાખીને યુવાનના હાથમાં બચકું ભરી લઈને છરી બતાવીને જાનથી મારી નાખવાની ધમકી: બે સામે ફરિયાદ
વાંકાનેરમાં આવેલ વોરા સમાજના જમાત ખાનામાં જમવા બેસવા બાબતે યુવાન સાથે બોલાચાલી થઈ હતી જે બાબતનો ખાર રાખીને બે શખ્સો દ્વારા તેની સાથે માથાકૂટ કરવામાં આવી હતી અને ત્યારે બે પૈકી એક શખ્સે યુવાને જમણા હાથની આંગળીમાં બચકું ભરી લીધું હતું અને બીજા શખ્સે દાઢી ખેંચીને યુવાનને પછાડી દઈને ગાળો આપી હતી અને છરી બતાવીને જાનથી મારી નાખવાની ધમકી આપી હતી જેથી ભોગ બનેલા યુવાને બે શખ્સો સામે ફરિયાદ નોંધાવતા પોલીસે ગુનો નોંધી આગળની કાર્યવાહી હાથ ધરી છે.
વાંકાનેરના દિવાનપરામાં ઈદમસ્જિદ પાસે રહેતા હુસેનભાઇ મહમદહુસેન વેદ (દાઉદી વોરા) (39) એ હાલમાં વાંકાનેર સિટી પોલીસ સ્ટેશન ખાતે મુર્તુજા મુસ્તાકભાઈ હાથી અને અબ્બાસભાઈ અસગરઅલી હાથી રહે. બંને વાંકાનેર વાળા સામે ફરિયાદ નોંધાવેલ છે જેમાં તેને જણાવ્યું છે કે વાંકાનેરમાં આવેલ વોરા સમાજના જમાતખાના પાસે તેઓ હતા ત્યારે અગાઉ આરોપીઓ સાથે જમાતખાનામાં જમવા બેસવા બાબતે બોલાચાલી થઈ હતી તે બાબતનો ખાર રાખીને આરોપી મુર્તુજાએ ફરિયાદી સાથે ઝપાઝપી કરીને જમણા હાથની આંગળીમાં બચકૂ ભરી લીધું હતું જ્યારે અબ્બાસભાઈએ ફરિયાદીની દાઢીને ખેંચીને પછાડી દીધા બાદ ગાળો આપી હતી અને છરી બતાવીને જાનથી મારી નાખવાની ધમકી આપી હતી. જેથી ભોગ બનેલા યુવાને વાંકાનેર સિટી પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધ આરોપીને પકડવા માટે તજવીજ શરૂ કરેલ છે
