રાજ્યમાં ઘરેલું જરૂરીયાત માટેનો પૂરતો એલ.પી.જી. નો જથ્થો ઉપલબ્ધ છે: સરકાર
Morbi Today
મોરબી મહાનગરપાલિકા દ્વારા તા. 13 અને 16 તારીખે શહેરમાં જુદીજુદી બે જગ્યાએ સેવા સેતુ ૨.૦ કાર્યક્રમનું આયોજન
SHARE
JOIN OUR GROUP
મોરબી મહાનગરપાલિકા દ્વારા તા. 13 અને 16 તારીખે શહેરમાં જુદીજુદી બે જગ્યાએ સેવા સેતુ ૨.૦ કાર્યક્રમનું આયોજન
મોરબી મહાનગરપાલિકા દ્વારા રાજ્ય સરકારના જનકેન્દ્રિત શાસનના અભિગમને વધુ મજબૂત બનાવવા તથા નાગરિકોને વિવિધ સરકારી સેવાઓ સરળતાથી અને નજીકમાં ઉપલબ્ધ થાય તે માટે “સેવા સેતુ ૨.૦ (શહેરી)” કાર્યક્રમનું આયોજન કરવામાં આવેલ છે. આ કાર્યક્રમનો મુખ્ય હેતુ નાગરિકોને સરકારી કચેરીઓમાં વારંવાર જવાનું ટાળીને તેમની નજીકમાં જ વિવિધ સેવાઓ અને યોજનાઓનો લાભ પહોંચાડવાનો છે.
આ કાર્યક્રમ અંતર્ગત મોરબી શહેરના વિવિધ વિસ્તારોમાં કેમ્પનું આયોજન કરવામાં આવશે જેમાં મહાનગરપાલિકા તેમજ અન્ય શાસકીય વિભાગો દ્વારા આપવામાં આવતી વિવિધ સેવાઓ એક જ સ્થળે ઉપલબ્ધ કરાવવામાં આવશે. નાગરિકો અહીં પોતાની અરજી, જરૂરી દસ્તાવેજો અને પ્રશ્નો સાથે આવી શકે છે અને તાત્કાલિક માર્ગદર્શન તથા જરૂરી કાર્યવાહી મેળવી શકશે. મોરબી મહાનગરપાલિકા વિસ્તારમા સેવા સેતુ કાર્યક્રમ તા. 13/3 ના રોજ વોર્ડ 2, 3, 4, 5, 6 અને 13 માટે તાલુકા શાળા મણિમંદિર પાસે તથા વોર્ડ 1, 7, 8, 9, 10, 11 અને 12 માટે 16/3 ના રોજ વજેપર વાડી પ્રાથમિક શાળા, રામજી મંદિર પાસે, મોમ્સ હોટલ પાછળ આયોજિત કરવામાં આવશે.
આ સેવા સેતુ ૨.૦ કાર્યક્રમમાં મળતી મુખ્ય સેવાઓમાં વિવિધ સરકારી યોજનાઓ અંગે માહિતી અને માર્ગદર્શન, પ્રમાણપત્રો માટે અરજી તથા પ્રક્રિયા, આવક, જાતિ તથા નિવાસ સંબંધિત સેવાઓ, આરોગ્ય અને સામાજિક સુરક્ષા યોજનાઓ અંગે માર્ગદર્શન, મ્યુનિસિપલ સેવાઓ સંબંધિત અરજીઓ, નાગરિકોની સમસ્યાઓ અને રજૂઆતોનું નિરાકરણ લાવવા માટેનો પ્રયાસ કરવામાં આવશે તેમજ આ કાર્યક્રમ દરમિયાન નાગરિકોને વિવિધ વિભાગોના અધિકારીઓ અને કર્મચારીઓ દ્વારા સીધું માર્ગદર્શન આપવામાં આવશે જેથી સામાન્ય લોકોને સરકારી સેવાઓ સરળતાથી પ્રાપ્ત થઈ શકશે.
