ટંકારા મોરબી હાઇવે રોડ ઉપર આવેલ વીરપર ગામ પાસેથી બોલેરો ગાડી પસાર થઈ હતી ત્યારે આઇસરના ચાલાકે તેને પાછળથી ટક્કર મારી હતી જેથી કરીને અકસ્માતનો બનાવ બન્યો જે બનાવમાં બોલેરોમાં બેઠેલા ડ્રાોઇવર સહિત બે વ્યક્તિઓને ઈજા થઈ હતી જે પૈકીના એક યુવાનને ગંભીરતા હોવાથી તેનો જમણો પગ કાપવો પડ્યો હતો જે બનાવ સંદર્ભે હાલમાં ભોગ બનેલા યુવાને ટંકારા તાલુકા પોલીસ સ્ટેશન ખાતે ફરિયાદ નોંધાવતા પોલીસે આગળની કાર્યવાહી હાથ ધરી છે.

જાણવા મળતી માહિતી મુજબ રાજકોટમાં આવેલ રામાપીર ચોકડી રૈયાધાર બંસીધર-1ખાતે રહેતા આદિલ ભુપતભાઈ બાબરીયા (21) નામના યુવાને આઇસર નંબર જીજે 36 ટી 5310 ના ચાલક સામે ટંકારા તાલુકા પોલીસ સ્ટેશન ખાતે ફરિયાદ નોંધાવી છે જેમાં તેને જણાવ્યુ છે કે બોલેરો ગાડી નંબર જીજે 10 ટીએક્સ 6850 જે દિલીપભાઈ ની ગાડી છે અને તે ગાડીમાં દિલીપભાઈ તથા ફરિયાદી બંને ટંકારા તાલુકાના વીરપર ગામ પાસેથી પસાર થઈ રહ્યા હતા ત્યારે આઇસરના ચાલકે તેઓની બોલેરો ગાડીને પાછળથી ટક્કર મારી હતી જેથી કરીને ફરિયાદી યુવાનને ડાબા પગમાં ફ્રેક્ચર અને જમણો પગ કાપવો પડે તેવી ગંભીર ઈજા કરી છે તથા દિલીપભાઈ ને પણ શરીરે મુંઢ ઇજાઓ કરેલ છે જેથી ઈજાગ્રસ્ત બંને વ્યક્તિઓને સારવારમાં ખસેડવામાં આવ્યા હતા અને હાલમાં ભોગ બનેલા યુવાને નોંધાવેલ ફરિયાદ આધારે પોલીસે આઇસર ચાલક સામે ગુનો નોંધીને આરોપીને પકડવા માટે તજવીજ શરૂ કરી છે