વાંકાનેરના ગારીડા નજીક કારખાનાના લેબર કવાર્ટરમાં રસોઈ બનાવતા સમયે ગેસ લીકેજથી બ્લાસ્ટ થતાં દાઝી ગયેલા વૃદ્ધનું સારવારમાં મોત

વાંકાનેર તાલુકાના ગારીડા ગામ પાસે સિરામિક કારખાનાના લેબર કવાર્ટરમાં રહેતા અને કામ કરતા વૃદ્ધ લેબર કવાર્ટરમાં રસોઈ બનાવતા હતા તે સમયે ગેસ લીક થતા બ્લાસ્ટ થયો હતો અને વૃદ્ધ આખા શરીરે દાજી ગયા હતા જેથી તેને સારવાર માટે રાજકોટની હોસ્પિટલમાં લઈ ગયા હતા અને ત્યાં ચાલુ સારવાર દરમિયાન તે વૃદ્ધનું મોત નીપજ્યું હતું જેથી આ બનાવની હોસ્પિટલ મારફતે વાંકાનેર તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે

જાણવા મળતી માહિતી મુજબ વાંકાનેર તાલુકાના ગારીડા ગામ નજીક આવેલ સનરાઈઝ મલ્ટી સ્ટીલ પ્રાઇવેટ લિમિટેડ કંપનીના લેબર કવાર્ટરમાં રહેતા અને કામ કરતા કુલદીપસિંહ બક્ષીસસિંહ (60) નામના વૃદ્ધ તા. 21/1 ના સવારના સાતેક વાગ્યાના અરસામાં લેબર કવાર્ટરમાં રસોઈ બનાવતા હતા તે સમયે ગેસ લીક થવાના કારણે બ્લાસ્ટ થયો હતો અને કુલદીપસિંહ આખા શરીરને ગંભીર રીતે દાજી ગયા હતા જેથી તેઓને સારવાર માટે રાજકોટની હોસ્પિટલમાં લઈ જવામાં આવ્યા હતા અને ત્યાં સારવાર દરમિયાન તેનું ગત 25/1 ના રોજ રાત્રે સવા નવ વાગ્યાના અરસામાં મોત નીપજયું હતું જેથી આ અંગેની જાણ હોસ્પિટલ મારફતે વાંકાનેર તાલુકા પોલીસને કરવામાં આવતા પોલીસે અકસ્માત મૃત્યુના બનાવની નોંધ કરી આગળની રાબેતા મુજબની કાર્યવાહી હાથ ધરી છે