મોરબીમાં સગીરાનો સોશ્યલ મીડિયાથી પીછો કરી જાતીય સતામણી કરવાના કેસમાં આરોપીનો નિર્દોષ છુટકારો

મોરબી તાલુકામાં સગીરાને મોબાઈલથી અવાર નવાર ખરાબ મેસેજ કર્યા હતા અને સોશ્યલ મીડિયામાં વાતો કરીને ઈલેકટ્રોનીક માધ્યમથી સગીરાનો પીછો કરી જાતીય સતામણી કરી હોવાનો ગુનો નોંધાયેલ હતો જે કેસ મોરબીની સ્પેશિયલ પોકસો કોર્ટમાં ચાલી ગયો હતો જેમાં કોર્ટે આરોપીને નિદોર્ષ છોડી મૂકવાનો આદેશ કરેલ છે.

આ કામે ફરીયાદએ એવી ફરિયાદ આપેલ હતી કે, ફરીયાદીની સગીરવયની દીકરીના મોબાઈલમાં આરોપીએ પોતાના મોબાઈલથી અવાર નવાર ખરાબ મેસેજ કર્યા હતા અને ફેસબુક, ઈસ્ટાગ્રામ તથા વોટસએપમાં વાતો કરી ફરીયાદીની દીકરીને ઈલેકટ્રોનીકસ માધ્યમથી પીછો કરી જાતીય સતામણી કરેલ છે. જેથી મોરબી તાલુકા પોલીસ સ્ટેશન ખાતે આરોપી વિજય મચ્છા ધ્રાર્ગીયા સામે આઈ.પી.સી તેમજ પોકસોની કલમ મુજબ ગુનો નોંધીને પોલીસે કાર્યવાહી કરી હતી અને પુરાવા મળતા મોરબી તાલુકા પોલીસ સ્ટેશન દ્વારા પોકસો કોર્ટમાં ચાર્જસીટ કરવામાં આવ્યુ હતું. અને પોકસો કોર્ટમાં આરોપીનો કેશ ચાલી જતા પોકસો કોર્ટે આરોપીને નિદોર્ષ છોડવાનો હુકમ કર્યો છે. આ કેસમાં આરોપીના વકીલ તરીકે મયુર પી.પુજારા રોકાયેલ હતા.