જુનાગઢથી મોરબીની જેલમાં લઈ જવતો આરોપી પોલીસ જાપ્તાને ચકમો આપીને ફરાર

જુનાગઢ જેલમાંથી જેલ બદલી માટે મોરબી જેલ ખાતે આરોપીને લઈને પીએસઆઈ સહિતના પોલીસ કર્મચારીઓ આવી રહ્યા હતા ત્યારે ટંકારાના મીતાણા ગામ પાસે તેઓનું સરકારી વાહન ગરમ થઈ ગયું હતું જેથી ખજૂરા હોટલના પાર્કિંગમાં વાહન ઉભું રાખ્યું હતું અને ત્યારે આરોપીએ ટોયલેટ જવું છે તેવું કહ્યું હતું જેથી તેને ટોયલેટ લઈ ગયા હતા અને ત્યાંથી બહાર નીકળીને આરોપીએ પોલીસ જવાનનો હાથ છોડાવીને હાથ કડી સાથે સ્થળ ઉપરથી નાશી ગયેલ છે જેથી જુનાગઢના પીએસઆઇ દ્વારા ટંકારા તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે

જાણવા મળતી માહિતી મુજબ જૂનાગઢના ભવનાથ પોલીસ સ્ટેશનમાં પીએસઆઇ તરીકે ફરજ બજાવતા રવિશંકર સરદારસિંહ ડામોરએ હાલમાં ટંકારા તાલુકા પોલીસ સ્ટેશન ખાતે હરસુખ ઉર્ફે ચુવી કાળુભાઈ વાઘેલા રહે. જૂનાગઢ વાળાની સામે ફરિયાદ નોંધાવેલ છે જેમાં તેને જણાવ્યુ છે કે, આરોપી કાચા કામનો આરોપી હોવાથી ફરિયાદી તથા સાહેદો તેને સરકારી વાહનમાં જેલ બદલી માટે મોરબી જેલ ખાતે લઈ જતા હતા દરમિયાન મીતાણા ગામથી આગળના ભાગમાં હાઇવે રોડ ઉપર અચાનક તેઓનું સરકારી વાહન ગરમ થઇ જતા ગાડીને ખજુરા હોટલના પાર્કિંગમાં ઉભી રાખવામાં આવી હતી ત્યારે આરોપીએ ટોયલેટ જવું છે તેવુ કહ્યું હતું જેથી તેને ખજૂરા હોટલના ટોયલેટમાં લઈ ગયા હતા અને ત્યાંથી બહાર નીકળતા સમયે આરોપીએ એએસઆઈ જયેશભાઈનો હાથ છોડાવીને ટોયલેટમાંથી બહાર નીકળીને હાથ કડી સાથે બાજુની દીવાલ ઠેકીને ત્યાંથી નાસી ગયો હતો જે બનાવ સંદર્ભે હાલમાં પીએસઆઇએ નોંધાવેલ ફરિયાદ આધારે પોલીસે ગુનો નોંધી આરોપીને પકડવા માટે તજવીજ શરૂ કરેલ છે.