ટંકારાના હીરાપર નજીક કારખાનાના ખુલ્લા મેદાનમાં સૂતેલા યુવાનના મોબાઈલ ફોનની ચોરી
SHARE
JOIN OUR GROUP
ટંકારાના હીરાપર નજીક કારખાનાના ખુલ્લા મેદાનમાં સૂતેલા યુવાનના મોબાઈલ ફોનની ચોરી
ટંકારાના હીરાપર ગામની સીમમાં આવેલ કારખાનાના ખુલ્લા મેદાનમાં શ્રમિક યુવાન સૂતો હતો દરમિયાન રાત્રિના સમયે કોઈ અજાણ્ય શખ્સ દ્વારા તેના મોબાઈલ ફોનની ચોરી કરવામાં આવેલ છે જેથી દસ હજાર રૂપિયાની કિંમતના મોબાઈલ ફોનની ચોરી થઈ હોવાની યુવાને ફરિયાદ નોંધાવતાં પોલીસે ગુનો નોંધી આરોપીને પકડવા માટે તજવીજ શરૂ કરેલ છે
જાણવા મળતી માહિતી મુજબ મૂળ રાજસ્થાનના રહેવાસી અને હાલમાં ટંકારા તાલુકાના હીરાપર ગામની સીમમાં આવેલ બીડીસી પોલિફેબ એલએલપી કારખાનાના લેબર કવાર્ટરમાં રહેતા અને મજૂરી કામ કરતા શહેરારામ બુધારામ ચૌહાણ (42)એ હાલમાં અજાણ્યા શખ્સની સામે ટંકારા તાલુકા પોલીસ સ્ટેશન ખાતે ચોરીની ફરિયાદ નોંધાવી છે જેમાં તેને જણાવ્યું છે કે હીરાપર ગામની સીમમાં આવેલ બીડીસી પોલિફેબ એલએલપી કારખાના ખુલ્લા મેદાનમાં રાત્રિ દરમિયાન તે સૂતો હતો ત્યારે કોઈ અજાણ્યા શખ્સ દ્વારા તેના વિવો કંપનીના મોબાઈલ ફોનની ચોરી કરવામાં આવેલ છે જેથી 10,000 રૂપિયાની કિંમતના મોબાઇલ ફોનની ચોરી થઈ હોવાની યુવાને ફરિયાદ નોંધાવતા પોલીસે અજાણ્યા શખ્સની સામે ગુનો નોધી આરોપીને પકડવા માટે તજવીજ શરૂ કરેલ છે
યુવાન સારવારમાં
કચ્છના ભચાઉ પાસે આવેલ વોઘેડા ગામે રહેતો સત્યમ વાઘજીભાઈ છાગા નામનો ૧૭ વર્ષનો યુવાન તેના સગાના બાઈક પાછળ બેસીને સામખયાળી નજીકથી જતો હતો ત્યાં ગામના બસ સ્ટેશન પાસે બાઇક સ્લીપ થતા પડી જતા ઇજાગ્રસ્ત હાલતમાં મોરબી લાવવામાં આવ્યો હતો.જ્યારે પોરબંદરના બોખીરા ગામના ભીમાભાઇ સવદાસભાઈ કારાવદરા નામના ૫૧ વર્ષના આધેડ પુત્રની સાથે બાઈકમાં બેસીને જતા હતા ત્યારે ગામ નજીક બાઇકની આડે ઢોર આવતા પડી જતા તેમને સારવાર માટે મોરબી લાવવામાં આવ્યા હતા.તેમજ હળવદના સુંદરગઢ ગામે રહેતો મહેશ બાબુભાઈ જીંજુવાડિયા નામનો ૨૫ વર્ષીય યુવાન ગામમાં કોઈ કારણોસર દવા પી જતા તેને સારવાર માટે મોરબી લાવવામાં આવ્યો હતો તેમ પોલીસે જણાવેલ છે.મોરબી પોલીસે પ્રાથમિક તપાસ કરીને બનાવ અંગે હળવદ પોલીસને જાણ કરી હતી.
