મોરબી જીલ્લામાં ડ્રોન ઉડાડવા અને ફટાકડા ફોડવા પર ૧૫ મેં સુધી પ્રતિબંધ
Morbi Today
મોરબી જિલ્લાના નવલખી બંદરે પહોચ્યા રેન્જ આઇજી અશોકકુમાર યાદવ: ચેકપોસ્ટ કાર્યરત, શંકાસ્પદ હિલચાલ ઉપર પોલીસની ચાંપતી નજર
SHARE
JOIN OUR GROUP
મોરબી જિલ્લાના નવલખી બંદરે પહોચ્યા રેન્જ આઇજી અશોકકુમાર યાદવ: ચેકપોસ્ટ કાર્યરત, શંકાસ્પદ હિલચાલ ઉપર પોલીસની ચાંપતી નજર
મોરબી જિલ્લામાં આવેલ રેન્જ આઇજી અશોકકુમાર યાદવ નવલખી બંદરે પહોંચ્યા હતા અને બંદરની સુરક્ષાને લઇને અધિકારીઓ સાથે ચર્ચા કરી હતી અને બંદર સુધી આવવા જવાના તેમજ જીલ્લમાં આવવા જવાના રસ્તા ઉપર ચેકપોસ્ટ કાર્યરત કરવામાં આવેલ છે. તથા યુદ્ધની પરિસ્થિતિ વચ્ચે દરિયાઈ કાંઠાના ગ્રામ્ય વિસ્તારના લોકોએ શું કરવું અને શું ન કરવું તેની સમજ આપવામાં આવી હતી.
ઓપરેશન સિંદુર બાદ ભારત પાકિસ્તાન વચ્ચે યુદ્ધ જેવી પરિસ્થિતિનું નિર્માણ થયું છે અને બોર્ડરના વિસ્તારોમાં રાત્રિ દરમિયાન ડ્રોન હુમલા થતા હોય તેવું પણ જોવા મળ્યુ હતુ જેથી મોરબી જિલ્લમાં સુરક્ષા વ્યવસ્થાની પરિસ્થિતીની સમીક્ષા કરવા માટે આજે અશોકકુમાર યાદવ મોરબી જીલ્લાના નવલખી પોર્ટ ઉપર પહોચ્યા હતા ત્યારે મોરબીના એસપી રાહુલ ત્રિપાઠી અને ડીવાયએસપી પી.એ.ઝાલા સહિતના અધિકારીઓ અને કર્મચારીઓ તેની સાથે રહ્યા હતા અને ખાસ કરીને બંદર તરફ આવવા જવાના રસ્તા અને જિલ્લાની અંદર આવવા જવાના મુખ્ય માર્ગ ઉપર ચેકપોસ્ટ કાર્યરત કરવામાં આવી છે
છેલ્લા ચાર દિવસથી ઓપરેશન સિંદુર અંતર્ગત ભારત પાકિસ્તાન વચ્ચે યુદ્ધ જેવી પરિસ્થિતિનું નિર્માણ થયું છે ત્યારે કચ્છ તથા જામનગર જિલ્લાની વચ્ચેના ભાગમાં મોરબી જિલ્લો આવેલ છે અને આ જિલ્લાને દરિયાઈ વિસ્તાર પણ લાગુ પડે છે જેથી માછીમારી કરવા માટે થઈને જતા માછીમારો તેમજ ગ્રામજનો સાથે આઇજીએ વાર્તાલાપ કર્યો હતો અને માળિયા તાલુકાના વવાણીયા, વર્ષામેડી સહિતના ગ્રામ્ય વિસ્તારમાં લોકોને હાલની પરિસ્થિતિમાં શું ન કરવું જોઈએ તેના માટે સમજૂત કર્યા હતા. તથા આ વિસ્તારમાં કોઈપણ પ્રકારની શંકાસ્પદ વ્યક્તિ અથવા તો શંકાસ્પદ હિલચાલ જોવા મળે તો તેની પોલીસને જાણકારી આપવી અને તંત્ર તથા આર્મીને તમામ પ્રકારનો સહયોગ આપવા માટે લોકોને કહ્યું હતું.
