વાંકાનેર તાલુકાના દારૂના ગુનામાં નાસતો ફરતો આરોપી પકડાયો

વાંકાનેરના નાયબ પોલીસ અધિક્ષક એસ.એચ. સારડાની સૂચના મુજબ પોલીસ કામ કરી રહી છે ત્યારે વાંકાનેર તાલુકાના જુદાજુદા ગુનામાં નાસતા ફરતા આરોપીઓને પકડવા માટે પોલીસ પ્રયત્નશીલ હતી તેવામાં તાલુકાનાં કિર્તિસિંહ જાડેજા તથા રાજેશભાઈ પલાણીને સંયુક્ત ખાનગી બાતમી મળી હતી કે, વાંકાનેર તાલુકામાં નોંધાયેલ દારૂના ગુનામાં નાશતો ફરતો આરોપી અમીરાજભાઈ રવુભાઈ ખવડ (24) રહે. ગરમભાડી, ડેરી ચોક વિસ્તાર તાલુકો સાયલા વાળાનું  વાંકાનેર કોર્ટ દ્વારા બી.એન.એસ.એસ. કલમ 72 મુજબનું વોરંટ મેળવેલ હતું જે નાશતો ફરતો આરોપી વાંકાનેર બાઉન્ટ્રી પાસે ઓવરબ્રીજની નીચે ઉભો હોવાની હકીકત આધારે વાંકાનેર બાઉન્ટ્રી પાસે આવેલ ઓવરબ્રીજની નીચેથી તેને પકડવામાં આવેલ છે. અને આગળની કાર્યવાહી કરેલ છે.