વાંકાનેરમાં ઘરના બાથરૂમમાં પડી જવાથી વૃદ્ધનું મોત: હળવદના જુના વેગડવાવ ગામે મંદિરના મકાનમાં ગળાફાંસો ખાઈને આધેડે કર્યો આપઘાત મોરબીના લાલપર ગામ પાસે ટ્રક ટ્રેલરના ચાલકે રિક્ષાને હડફેટે લેતા રીક્ષા ચાલકનું મોત, મુસાફર કાકા-ભત્રીજાને ઈજા થતાં સારવારમાં મોરબી મહાનગરપાલિકા દ્વારા ભગવાન બિરસા મુંડાની જન્મજયંતિ નિમિત્તે જનજાતીય ગૌરવ દિવસની ઉજવણી કરાઈ મોરબીમાં વેપારી સાથે ઇન્સ્ટાગ્રામમાં વાતચીત કરીને હનીટ્રેપમાં ફસાવનાર મહિલા સહિત 4 આરોપીની ધરપકડ, એકની શોધોખોળ વાંકાનેર પાસેથી દારૂ ભરેલી બોલેરો અને પાયલોટિંગ કરી રહેલ કિયા સહિત 14.30 લાખના મુદ્દામાલ સાથે 3 પકડાયા મોરબી જિલ્લા સમસ્ત બ્રહ્મ સમાજ દ્વારા આયોજીત સ્નેહ મિલન-સંગીત સંધ્યાનો કાર્યક્રમ ભૂદેવ પરિવારોએ માણ્યો મોરબીમાં થાર ગાડીના ચાલકે સાઇકલને હડફેટે લેતા હેન્ડીકેપ વૃદ્ધને શરીરે ગંભીર ઇજા મોરબીમાં રહેતા યુવાન સાથે ઈન્સ્ટાગ્રામમાં મેસેજથી વાતચીત કર્યા બાદ યુવતી સહિત કુલ 5 વ્યક્તિઓ દ્વારા 12 લાખની માંગણી !
Breaking news
Morbi Today

માળિયા (મી): બોગસ ખેડૂત ખાતેદાર કાંડમાં પકડાયેલ આરોપી સાગર ફુલતરિયાના રિમાન્ડ પૂરા થતાં જેલ હવાલે


SHARE































માળિયા (મી): બોગસ ખેડૂત ખાતેદાર કાંડમાં પકડાયેલ આરોપી સાગર ફુલતરિયાના રિમાન્ડ પૂરા થતાં જેલ હવાલે

માળીયા મીયાણા તાલુકાના બોગસ ખેડૂત ખાતેદાર પ્રકરણમાં આરોપી સાગર ફુલતરીયની ધરપકડ કરી હતી અને તેને રિમાન્ડ ઉપર લેવામાં આવેલ હતો અને મંગળવારે સાંજે રિમાન્ડ પૂરા થતાં આરોપીને માળીયાની કોર્ટમાં રજૂ કરીને મોરબીની જેલ હવાલે કરવામાં આવેલ છે અને હવે બાકીના આરોપીને પકડવા માટેની તજવીજ શરૂ કરવામાં આવી છે.

માળિયા (મી)ના સરવડ ગામના હાલના તલાટી મંત્રીએ ગત મે મહિનામાં માળિયા મીયાણા તાલુકા પોલીસ સ્ટેશન ખાતે મહેશ પ્રભાશંકર રાવલ તથા બોગસ વારસાઈ આંબો બનાવનાર, બોગસ સોગંદનામુ બનાવનાર તથા બોગસ ખેડૂત ખાતેદાર બનેલ અને તેમાં મદદ કરનારની સામે ફરિયાદ નોંધાવી હતી. જો કે, મહેશ પ્રભાશંકર રાવલનું થોડા સમય પહેલા બીમારી સબબ અવસાન થયું છે જો કે, આ ગુનાની તપાસ રાજકોટ ગ્રામ્ય સીઆઇડીના પીઆઇ કે.કે.જાડેજા કરી રહ્યા છે અને પહેલા સરવડના તત્કાલિન તલાટિ મંત્રી ભરતભાઈ ખોખરને પકડીને જેલ હવાલે કરવામાં આવેલ છે અને ત્યાર બાદ આ ગુનામાં સાગર આંબરામભાઈ ફૂલતરિયાની ધરપકડ કરી હતી. અને માળીયાની કોર્ટમાં રજૂ કરીને તેના દોઢ દિવસના રિમાન્ડ મેળવ્યા હતા જે રિમાન્ડ પૂરા થતાં આરોપીને માળીયાની કોર્ટમાં રજૂ કરીને મોરબીની જેલ હવાલે કરવામાં આવેલ છે.

ઉલેખનીય છે કે, મોરબીના 602 જમીન કૌભાંડમાં પહેલા સાગર ફૂલતરિયાની ગાંધીનગર સીઆઇડી ક્રાઇમની ટીમે ધરપકડ કરી હતી અને ત્યાર બાદ જેલ હવાલે કરવામાં આવ્યો હતો અને ત્યાર પછી સીઆઇડી રાજકોટ ગ્રામ્યની ટીમે માળીયાના બોગસ ખેડૂત ખાતેદાર પ્રકરણમાં સાગર ફૂલતરિયાની ધરપકડ કરીને તેને રિમાન્ડ ઉપર લીધો હતો દરમ્યાન કેટલીક મહત્વની માહિતી સામે આવી હોવાની શક્યતા સેવાઇ રહી છે. વધુમાં એવી પણ માહિતી સામે આવી રહી છે કે, માળીયાના સરવડ ગામથી શરૂ થયેલ બોગસ ખેડૂત ખાતેદાર પ્રકરણમાં સરકારી કર્મચારીની પણ સંડોવણી હોવાની પૂરેપુરી શક્યતા છે જેથી કોના કોના પગ નીચે રેલો આવશે તેને લઈને ઠેરઠેર ચર્ચા ચાલી રહી છે.












Latest News