વાંકાનેરના ચિત્રાખડા ગામે વાડીના મકાનમાં જુગાર રમતા 6 શખ્સો 13.26 લાખના મુદામાલ સાથે પકડાયા મોરબીમાંથી 1 કિલો 387 ગ્રામ ગાંજા કેસમાં વધુ એકની ધરપકડ મોરબીમાં નેશનલ સાયન્સ સેમીનારનું આયોજન, ૨૦ સ્કુલના ૬૩ વિધાર્થીઓએ ઉત્સાહપૂર્વક ભાગ લીધેલ મોરબીની રહેવાસી પરિણીતાને લગ્નની લાલચ આપીને 8.50 લાખની છેતરપિંડી હળવદ જીઆઇડીસી પાસે જીનીંગ ફેક્ટરીમાંથી 1.50 લાખના કેબલ વાયરની ચોરી મોરબીના રફાળેશ્વર નજીક ડમ્પર ચાલકે ડબલ સવારી બાઇકને હડફેટે લેતા એક યુવાનનું મોત: મોરબીમાંથી દારૂની 18 બોટલ સાથે એક પકડાયો વાંકાનેરના સમઢીયાળા નજીક ઢોરને બચાવવા જતાં ટ્રેક્ટર પલટી મારી જતાં ઇજા પામેલ યુવાનનું મોત હળવદના સરંભડા ગામે માથું દુખતું હોય વધુ પડતી દવા પી ગયેલા વૃદ્ધનું સારવારમાં મોત

Breaking news

Morbi Today

મોરબી જિલ્લામાં છેલ્લી 26 કલાકમાં બેથી લઈને પાંચ ઇંચ વરસાદ, મહાકાય મચ્છુ બેડમ 70% જ ભરાયો હોય ચિંતાના વાદળો ઘેરે તેવા સંકેત

07-09-2025 10:16 AM

મોરબી જિલ્લાના પાંચેય તાલુકામાં છેલ્લી 26 કલાકથી વરસાદી માહોલ છે અને સતત વરસાદ વરસી રહ્યો છે અને મોરબી જિલ્લામાં 2 થી લઈને 5 જેટલો વરસાદ વરસી ગયો છે અને હજુ પણ વરસાદી માહોલ હોય વરસાદ પડે તેવું દેખાઈ રહ્યું છે જોકે જિલ્લામાં 10 પૈકીના 2 જ ડેમ હજુ સુધી સો ટકા ભરાય છે મોરબી માટે આશીર્વાદ સમાન મચ્છુ 2 ડેમ હજી 70 ટકા સુધી જ ભરાયો હોવાના કારણે લોકોને પીવા અને ખેડૂતોને સિંચાઈ માટે પાણીના પ્રશ્નો આગામી વર્ષમાં ઊભા થાય તો નવાઈ નથી.

મોરબી જિલ્લામાં ચાલુ વર્ષે ચોમાસા દરમિયાન છૂટક છૂટક વરસાદ થયો હોવાના કારણે આજની તારીખે પણ લોકોને હૈયે ટાઢક થાય તેવો વરસાદ પડ્યો નથી તેવું કહીએ તો તેમાં અતિશયોક્તિ નથી દરમિયાન ગઈકાલે સવારે 6 થી આજે સવારના 8 સુધીમાં એટલે કે, છેલ્લી 26 કલાકથી મોરબી જિલ્લામાં વરસાદી માહોલ છે અને જુદા જુદા વિસ્તારોની અંદર પાંચેય તાલુકામાં છૂટો છવાયો વરસાદ વરસી રહ્યો છે હાલમાં જિલ્લાના કંટ્રોલરૂમ પાસેથી મળતી વિગત પ્રમાણે છેલ્લી 26 કલાકમાં મોરબી તાલુકામાં 5, માળિયા તાલુકામાં 3.15, ટંકારા તાલુકામાં 3.50, હળવદ તાલુકામાં 2.50 અને વાંકાનેર તાલુકામાં 2 ઈંચ જેટલો વરસાદ વરસી ગયો છે જોકે સમયાંતરે હળવા ભારે વરસાદી ઝાપટા આવ્યા હોવાના કારણે કોઈપણ જગ્યાએ વરસાદી પાણી ભરાવાના કે બીજા કોઈ પ્રશ્નો ઊભા થયા નથી અને કોઈ નુકસાનીના પણ સમાચાર સામે આવી રહ્યા નથી.

જોકે ચાલુ વર્ષે લગભગ ચોમાસું વિદાય લેવાની તૈયારીમાં છે ત્યારે મોરબી જિલ્લામાં 10 પૈકીના માત્ર 2 જ ડેમ 100 ટકા ભરાયા છે અને ખાસ કરીને મોરબી માટે આશીર્વાદ સમાન મચ્છુ 2 ડેમ હજુ માત્ર 70 ટકા ભરાયો છે જેથી કરીને આગામી વર્ષ દરમિયાન લોકોને પીવાના પાણીની તથા ખેડૂતોને સિંચાઈના પાણી માટે ની હાલાકીનો સામનો કરવો પડે તેવી શક્યતાઓ હાલમાં દેખાઈ રહી છે સિંચાઈ વિભાગના અધિકારી પાસેથી મળતી આંકડાકીય વિગત પ્રમાણે મોરબી જિલ્લાના 10 ડેમ પૈકી મચ્છુ 1 અને ઘોડોધ્રોઈ ડેમ 100 ટકા ભરાઇ ગયા છે પરંતુ મોરબી અને માળિયા માટે આશીર્વાદ મચ્છુ 2 ડેમ હજુ 70 ટકા જ ભરાયો છે આ ઉપરાંત ડેમી 1- 44.88, ડેમી 2- 80.97, બંગાવડી - 31.47, બ્રાહ્મણી - 97.89, બ્રાહ્મણી - 2 57.32, મચ્છુ - 3 85.11 અને ડેમી-3 3.08 ટકા ભરાયા છે