મોરબી જિલ્લાના પાંચેય તાલુકામાં સતત પાંચમા દિવસે અડધાથી લઈને બે ઇંચ સુધી વરસાદ

મોરબી શહેર અને જિલ્લામાં સતત પાંચ દિવસથી ધીમો ભારે વરસાદ વરસી રહ્યો છે ત્યારે છેલ્લી 24 કલાકની વાત કરીએ તો મોરબી જિલ્લાના પાંચ તાલુકામાં અડધાથી લઈને બે ઇંચ જેટલો વરસાદ વરસી ગયો છે જેથી ખેડૂતોની ચિંતામાં વધારો થઈ ગયો છે

હવામાન વિભાગ દ્વારા જે રીતે વરસાદની આગાહી કરવામાં આવી હતી તે રીતે સમગ્ર રાજ્યની અંદર જુદીજુદી જગ્યા ઉપર વરસાદ વરસી રહ્યો છે ત્યારે મોરબી જિલ્લાની વાત કરીએ તો સાતમના દિવસે સાંજથી મોરબી જિલ્લાના પાંચેય તાલુકામાં વરસાદી માહોલ છે અને જુદી જુદી જગ્યા ઉપર વરસાદ વરસી રહ્યો છે જો છેલ્લી 24 કલાકની વાત કરીએ તો મોરબી જિલ્લાના કંટ્રોલરૂમમાંથી મળતી વિગતો મુજબ માળિયા તાલુકામાં 14 એમએમ, ટંકારા તાલુકામાં ચાર એમએમ, વાંકાનેર તાલુકામાં 13 એમએમ, હળવદ તાલુકામાં 13 એમએમ અને મોરબી તાલુકામાં 48 એમએમ એટલે કે અડધાથી લઈને બે ઇંચ સુધીનો વરસાદ મોરબી જિલ્લાના પાંચે તાલુકામાં વરસી ગયો છે અને છેલ્લા પાંચ દિવસથી સતત વરસાદ પડતો હોવાના કારણે ખેડૂતો તેઓના ખેતરમાં જઈ શકતા નથી અને તેઓના ખેતરમાં મહેનત મજૂરી કરીને જે પાક તૈયાર કરવામાં આવ્યો હતો તે પાક ઉપાડી શકતા નથી જેથી આ કમોસમી વરસાદના કારણે તેઓને મોટા પ્રમાણમાં નુકસાન થશે તેમાં શંકા ને કોઈ સ્થાન નથી