વાંકાનેરની કસ્તુરબા ગાંધી વિદ્યાલયમાં આંતરરાષ્ટ્રીય બાલિકા દિવસ ઉજવાયો
 
વાંકાનેરની કસ્તુરબા ગાંધી વિદ્યાલય ખાતે આંતરરાષ્ટ્રીય બાલિકા દિવસની ઉજવણી કરવામાં આવી હતી. આ કાર્યક્રમમાં સાયબર સેફ્ટી અને સોશિયલ મીડિયા નો સુરક્ષિત ઉપયોગ, ડિજિટલ વિશ્વ માં સાવચેતી રાખવાની જાગૃતિ ઉત્પન્ન કરવા અંગેનો સંદેશો આપવામાં આવ્યો તથા ગુડ ટચ અને બેડ ટચ વિષયક માર્ગદર્શન આપવામાં આવ્યું હતુ. આ ઉપરાંત સેલ્ફ ડિફેન્સ ડેમો દ્વારા બાલિકાઓને પ્રાયોગિક રીતે રક્ષણ તકનિક શીખવવામાં આવી હતી. આ કાર્યક્રમના અંતમાં વિધાર્થીનીઓને બેટી બચાવો બેટી પઢાવોની થીમ પર તૈયાર કરવામાં આવેલા કપ (મગ)નું વિતરણ  કરવામાં આવ્યું હતું. આ કાર્યક્રમમાં શાળાના આચાર્ય, શિક્ષકગણ તથા બહોળી સંખ્યામાં વિદ્યાર્થીનીઓ ઉપસ્થિત રહ્યા હતા.