મોરબીમાં વ્યાજ વટાવના ગુનામાં સંડોવાયેલ શખ્સ અને હળવદમાં દારૂના ગુનામાં સંડોવાયેલ મહિલાને પાસા
Morbi Today
માળીયા (મી)માં સીસીઆઈ કપાસ ખરીદી કેન્દ્ર શરૂ કરવા જિલ્લા કોંગ્રેસ પ્રમુખની માંગ
SHARE
JOIN OUR GROUP
માળીયા (મી)માં સીસીઆઈ કપાસ ખરીદી કેન્દ્ર શરૂ કરવા જિલ્લા કોંગ્રેસ પ્રમુખની માંગ
માળિયા તાલુકામાં સીસીઆઈ કપાસ ખરીદી કેન્દ્ર નથી જેથી આ તાલુકાનાં ખેડૂતોને કપાસ વેંચવા માટે મોરબી કે રાજકોટ સુધી જવું પડે છે જેથી કરીને મોરબી જીલ્લા કોંગ્રેસ સમિતિના પ્રમુખ દ્વારા રાજ્યના કૃષિ મંત્રી અને કોટન કોર્પોરેશન ઓફ ઇન્ડિયા (CCI)ના ઝોનલ મેનેજર લેખિતમાં રજૂઆત કરીને માળીયા તાલુકામાં કપાસની ખરીદી માટે સીસીઆઈ કપાસ ખરીદી કેન્દ્ર શરૂ કરવાની માંગ કરવામાં આવેલ છે.
મોરબી જીલ્લા કોંગ્રેસ સમિતિના પ્રમુખ કિશોરભાઈ ચિખલીયા દ્વારા રાજ્યના કૃષિ મંત્રી અને કોટન કોર્પોરેશન ઓફ ઇન્ડિયા (CCI)ના ઝોનલ મેનેજર લેખિતમાં રજૂઆત કરવામાં આવેલ છે જેમાં જણાવ્યુ છેકે, માળિયા તાલુકો મોરબી જિલ્લાના મુખ્ય કપાસ ઉત્પાદન વિસ્તારોમાંનો એક છે. દર વર્ષે અહીં નાના-મોટા હજારો ખેડૂતોએ કપાસની ખેતી કરી પોતાની રોજીરોટી ચલાવે છે. પરંતુ તાલુકામાં CCI ખરીદી કેન્દ્ર ન હોવાથી ખેડૂતોને પાક વેચવા માટે મોરબી, રાજકોટ અથવા અન્ય દુર સ્થિત શહેરોમાં જવું પડે છે. જેથી ખેડૂત હિત અને MSPની સુવિધા સીધી તાલુકાના ખેડૂતો સુધી પહોંચે તે દૃષ્ટિએ તમામ મુદ્દાઓને ધ્યાનમાં લઈને માળિયા તાલુકામાં સીસીઆઈ ખરીદી કેન્દ્ર શરૂ કરવાની માંગ કરવાં આવેલ છે. અને તેના માટેની કાર્યવાહી ઝડપથી કરવામાં આવે તેવી લાગણી વ્યક્ત કરેલ છે.
