મોરબીમાં સોલાર ફીટ કરવાનું કહીને વૃદ્ધ સાથે ઠગાઈ: એ ડિવિઝનમાં ગુનો નોંધાયો
Morbi Today
મોરબીના ગાળા અને બહાદુરગઢ ગામના પાટીયા પાસે જુદા જુદા વાહનોમાંથી કુલ મળીને 970 લીટર ડીઝલની ચોરી
SHARE
JOIN OUR GROUP
મોરબીના ગાળા અને બહાદુરગઢ ગામના પાટીયા પાસે જુદા જુદા વાહનોમાંથી કુલ મળીને 970 લીટર ડીઝલની ચોરી
મોરબી તાલુકા વિસ્તારમાં ડીઝલ ચોર ગેંગ સક્રિય થઈ હોય તેવો ઘાટ સર્જાયો છે અને હાલમાં મોરબી તાલુકા પોલીસ સ્ટેશન ખાતે ડીઝલ ચોરીની જુદી જુદી બે ફરિયાદ નોંધાયેલ છે જેમાં કુલ મળીને 970 લીટર ડીઝલનો જથ્થો જુદા જુદા વાહનોમાંથી ચોરી કરવામાં આવ્યો હોવાની ભોગ બનેલા વાહન ચાલકો દ્વારા ફરિયાદ નોંધાવવામાં આવતા પોલીસે અજાણ્યા શખ્સોની સામે ગુનો નોંધીને આરોપીઓને પકડવા માટે તજવીજ શરૂ કરેલ છે
મોરબી તાલુકા પોલીસ સ્ટેશન ખાતે હાલમાં બરવાળા ગામે રહેતા ટ્રાન્સપોર્ટર કલ્પેશભાઈ કેશવજીભાઈ શેરસીયા (35)એ અજાણ્યા શખ્સની સામે ચોરીની ફરિયાદ નોંધાવી છે જેમાં તેને જણાવ્યુ છે કે, ગાળા ગામના પાટીયા પાસે કેલિબર પેપરમીલ નજીક તેઓની ગાડીઓ પડી હતી તેના ડીઝલ ટેન્કના લોક તોડીને તેમાંથી આશરે 220 લિટર ડીઝલના જથ્થાની ચોરી કરવામાં આવી છે જેથી 19,962 ની કિંમતના ડીઝલની ચોરી થઈ હોવાની યુવાને ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે જ્યારે મોરબીની લીલાપર કેનાલ ચોકડી પાસે આવેલ એકતા એવન્યુ હાઈટ્સના ફ્લેટ નંબર 402 માં રહેતા ટ્રાન્સપોર્ટર હિતેશભાઈ સવજીભાઈ અઘારા (36)એ નંબર પ્લેટ વગરની સ્વીફ્ટ ગાડીમાં આવેલા અજાણ્યા શખ્સો સામે ડીઝલ ચોરીની ફરિયાદ કરી છે જેમાં જણાવ્યું છે કે, મોરબીના બહાદુરગઢ ગામના પાટીયા પાસે અવધ કાંટા નજીક પાર્કિંગમાં તેઓના ડમ્પરો તેમજ સાહેબ અશ્વિનભાઈ, હિતેશભાઈ તથા અમીનભાઈના વાહનો પડ્યા હતા તેના ડીઝલ ટેન્કમાંથી કુલ મળીને 750 જેટલો ડીઝલનો જથ્થો ચોરી કરવામાં આવેલ છે આમ 68,055 ની કિંમતના ડીઝલની ચોરી થઈ હોવાની ફરિયાદ નોંધાવી છે. જેથી પોલીસે જુદા જુદા બે ગુના નોંધીને આરોપીઓને પકડવા માટે તજવીજ શરૂ કરે છે
