મોરબીના કંડલા બાયપાસ રોડ ઉપર કારમાં આગ લાગી હોવાની મોકડ્રિલ યોજાઇ

મોરબીના કંડલા બાયપાસ નવલખી રોડ ઉપર ગાડીમાં આગ લાગ્યા હોવાનો કોલ ફાયર એન્ડ ઇમરજન્સીની ટીમને આપવામાં આવેલ હતો જેથી ફાયરની ટિમ ત્યાં દોડી ગઈ હતી અને ગાડીમાં લાગેલ આગ પર કાબૂ મેળવવામાં આવેલ હતો જો કે, આ મોકડ્રિલ હોવાનું જાહેર કરવામાં આવ્યું હતું જેથી સહુ કોઈએ રાહતનો શ્વાસ લીધો હતો. આ ઉપરાંત ફાયર એન્ડ ઇમરજન્સી શાખાના કર્મચારી દ્વારા સરકારી અને ખાનગી શાળાના 87 જેટલા લોકોને ટ્રેનિંગ આપવામાં આવી હતી. તેમજ મોરબીમાં આવેલ સમાજવાડી, કોમ્પ્લેક્ષ અને ઇન્ડસ્ટ્રીઝ જેવી બિલ્ડીંગમાં ફાયર સેફ્ટી સર્ટિફિકેટનું ચેકિંગ કર્યું હતું અને અગાઉ અપાયેલ નોટીસના પગલે ૧૮૫ કોમ્પ્લેક્ષ અને ૩૮ સમાજવાડીમાં ફાયરની સીસ્ટમ લગાવેલ અને અમુકમાં કામગીરી ચાલુ છે.