મોરબીમાં માતાને સાવકા દીકરાએ છરી ઝીકિ: ઇજા પામેલ મહિલા સારવારમાં

મોરબીના વીસીપરા વિસ્તારમાં આવેલ શક્તિ કિરાના સ્ટોર પાસેથી પસાર થતી મહિલાને તેના સાવકા દીકરાએ છરી મારીને ઇજા કરી હતી જેથી ઈજાગ્રસ્ત મહિલાને સારવાર માટે મોરબીની સિવિલ હોસ્પિટલે લઈને આવ્યા હતા અને ત્યાં તેને સારવાર આપ્યા બાદ આ બનાવની બી ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે

બનાવની જાણવા મળતી માહિતી મુજબ મોરબીમાં કુબેર ટોકીઝ પાસે રહેતા નિરજાબેન રફિકભાઈ દાવલિયા (40) મોરબીના વીસીપરા વિસ્તારમાં શક્તિ કિરાના સ્ટોર પાસે હતા ત્યારે તેના સાવકા દીકરા ઈકબાલ રફીકભાઈ દાવલિયાએ તેઓને છરી મારી હતી જેથી ઇજા પામેલ હાલતમાં નીરજાબેનને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવની પોલીસને જાણ કરતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે.

મહિલા સારવારમાં

માળીયા (મી) તાલુકાના વાધરવા ગામે રહેતા અનસોયાબેન હરિશ્ચંદ્રસિંહ જાડેજા (54) નામના મહિલા ગામમાં બાઈકમાં પાછળના ભાગે બેસીને જઈ રહ્યા હતા ત્યારે બાઈકમાંથી પડી જતા તેઓને ઈજા થઈ હોવાથી સારવાર માટે મોરબીની ખાનગી હોસ્પિટલમાં લાવ્યા હતા અને ત્યાં તેને સારવાર આપીને બનાવની પોલીસને જાણ કરી હતી

દવા પી લેતા સારવારમાં

હળવદ તાલુકાના ગોલાસણ ગામે અરવિંદભાઈ પટેલની વાડીએ રહેતા અને મજૂરી કામ કરતા ઉકડીયાભાઈ કલેશ (30) નામના યુવાને કોઈ કારણોસર ઝેરી દવા પી લેતા તેને સારવાર માટે મોરબીની સિવિલ હોસ્પિટલ ખાતે લાવ્યા હતા અને ત્યાં તેને સારવાર આપીને આ બનાવની પોલીસને જાણ કરવામાં આવી છે