મોરબીમાં પરપ્રાંતિય લોકોને મકાન ભાડે આપીને પોલીસને જાણ ન કરનારા બે મકાન માલિક સામે કાર્યવાહી

મોરબીમાં એ ડિવિઝન પોલીસ સ્ટેશનની સામેના ભાગમાં આવેલ કબીર ટેકરી વિસ્તારમાં પરપ્રાંતીય લોકોને મકાન ભાડે આપવામાં આવ્યા હતા જેથી હાલમાં બે મકાન માલિક સામે મોરબી એ ડિવિઝન પોલીસ સ્ટેશન ખાતે જાહેરનામા ભંગના જુદાજુદા બે ગુના નોંધીને પોલીસે આગળની કાર્યવાહી કરેલ છે.

મોરબી જિલ્લામાં પરપ્રાંતિય લોકો રોજગારી માટે થઈને આવતા હોય છે જે પૈકીના કેટલાક ગુનાહિત માનસિક ધરાવતા હોવાના કારણે સમયાંતરે ગુનાઓને અંજામ આપીને અહીંથી નાસી જતા હોય છે જેથી મોરબીમાં પરપ્રાંતિય લોકોને મકાન, દુકાન વગેરે ભાડે આપવામાં આવે તો તે અંગેની માહિતી મોરબી એસયોર્ડ એપ્લિકેશનમાં અપલોડ કરવાની હોય છે જોકે ઘણા લોકો મકાન દુકાન ભાડે આપ્યા બાદ તેની માહિતી મોરબી એસયોર્ડ એપ્લિકેશનમાં અપલોડ કરતા નથી જેથી કરીને આવા બેદરકાર આસામીઓ સામે જાહેરનામા ભંગના ગુના નોંધવામાં આવતા હોય છે તેવામાં એસઓજીની ટીમ દ્વારા મોરબીમાં એ ડિવિઝન પોલીસ સ્ટેશન સામે આવેલ કબીર ટેકરી વિસ્તારમાં ચેક કરવામાં આવ્યું હતું ત્યારે શંકરભાઈ પરષોત્તમભાઈ કગથરા (42)એ સેજાદ રણમલભાઈ મુસાણી (22) રહે. મકરાણી વાસ વાળાએ પણ કબીર ટેકરી વિસ્તારમાં આવેલા તેઓના મકાનને ભાડે આપેલ હતા અને તેની માહિતી પોલીસને આપી ન હતી તેમજ મોરબી એસયોર્ડ એપ્લિકેશનમાં માહિતી અપલોડ કરવામાં આવી ન હતી જેથી બંને આસામીઓની સામે જાહેરનામા ભંગનો ગુનો નોંધીને પોલીસે આગળની કાર્યવાહી હાથ ધરી છે.