મોરબીમાં થાર ગાડીના ચાલકે સ્કૂટર-કારને હડફેટે લેતા અકસ્માત: બનાવ સીસીટીવીમાં કેદ

મોરબીના દલવાડી સર્કલ પાસેથી થાર લઈને એક વ્યક્તિ પસાર થઈ રહ્યો હતો ત્યારે ગાડીના ચાલકે સ્કૂટર ચાલકને હડફેટે લેતા અકસ્માત થયો હતો અને ત્યારબાદ થાર ગાડી રોડ સાઈડમાં પડેલી કાર સાથે અને છેલ્લે દિવાલ સાથે અથડાઈ હતી જે અકસ્માતનો બનાવ સીસીટીવી કેમેરામાં કેદ થયેલો છે અને હાલમાં તે વીડિયો સોશિયલ મીડિયામાં વાયરલ થયો છે

મોરબીમાં મંગળવારે સવારે 8:30 વાગ્યાના અરસામાં મોરબીના દલવાડી સર્કલ પાસેથી થાર ગાડી નંબર જીજે 36 એપી 5612 લઈને એક વ્યક્તિ પસાર થઈ રહી હતી અને ત્યારે તે થાર ગાડીના ચાલકે રોડ ઉપરથી પસાર થયેલ સ્કૂટર ચાલકને હડફેટે લેતા અકસ્માતનો બનાવ બન્યો હતો અને ત્યારબાદ થાર ગાડી રોડ સાઈડમાં પડેલ કાર અને બાદમાં સાથે અથડાઈને ઉભી રહી હતી આ અકસ્માતના બનાવમાં સદનસીબે કોઈ જાનહાનિ થયેલ નથી. જોકે, સ્થાનિક લોકો પાસેથી મળતી માહિતી મુજબ થાર ગાડીના ચાલકનું અચાનક બીપી લો થઈ ગયું હતું જેથી અકસ્માતનો બનાવ બન્યો હતો અને થાર ગાડીના ચાલકને સારવાર માટે હોસ્પિટલે લઇ ગયા છે અને આ બનાવની મોરબી એ ડિવિઝન પોલીસ સ્ટેશન ખાતે જાણ કરવામાં આવી છે.