મોરબીના પંચાસર રોડ ઉપર શિવ હોલની સામેના ભાગમાંથી આધેડ પોતાનું બાઈક લઈને પસાર થઈ રહ્યા હતા ત્યારે રીક્ષા ચાલકે તેઓના બાઈકને હડફેટે લેતા અકસ્માત થયો હતો જે બનાવમાં આધેડને માથામાં ગંભીર ઇજા થઈ હોવાથી તેનું મોત નીપજ્યું હતું આ બનાવ સંદર્ભે મૃતક આધેડના પાડોશીએ નોંધાવેલ ફરિયાદ આધારે પોલીસે રિક્ષાચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે

મોરબી તાલુકાના બગથળા ગામે રહેતા સંજયભાઈ હિતેશભાઈ સીતાપરા (20)એ સીએનજી રીક્ષા નંબર જીજે 36 ડબલ્યુ 4683 ના ચાલક સામે ફરિયાદ નોંધાવેલ છે જેમાં જણાવ્યું છે કે મોરબીના પંચાસર રોડ ઉપર આવેલ શિવ હોલ સામે ધવલ પાનની નજીકથી તેઓના પાડોશી મહેશભાઈ પ્રભુભાઈ સરડવા (57) રહે. બગથળા વાળા બાઈક નંબર જીજે 3 સીએચ 6657 લઈને પસાર થઈ રહ્યા હતા ત્યારે તેઓના બાઈકને રીક્ષા ચાલકે હડફેટે લેતા અકસ્માત થયો હતો જે બનાવમાં મહેશભાઈને માથા અને મોઢામાં ગંભીર ઇજા થઈ હોવાથી તેનું મોત નીપજ્યું હતું જે બનાવ સંદર્ભે હાલમાં યુવાને નોંધાવેલ ફરિયાદ આધારે પોલીસે રિક્ષાચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે