મોરબીમાંથી ૧૨ માહિનામાં ૨૬૦૦ ઢોરને મનપાની ટીમે પકડ્યા

મોરબીના લોકોને રજડતા ઢોરના ત્રાસમાંથી મુક્તિ મળે તેના માટે રજડતા ઢોરને પકડવા માટેની કાર્યવાહી કરવામાં આવી રહી છે તેવામાં માર્ચ ૨૦૨૫ થી ફેબ્રુઆરી સુધીમાં અંદાજે ૨૬૦૦ જેટલા પશુ પકડવામાં આવ્યા છે. અને હવે મનપા દ્વારા પંચાસર રોડે આવેલ નંદીઘરને ફરીથી કાર્યરત કરવામાં આવ્યું છે.

મોરબી મહાનગરપાલિકાના એએનસીડી શાખા દ્વારા ૨૮ ફેબ્રુઆરીના રોજ નંદીઘરને ફરીથી કાર્યરત કરવામાં આવ્યું છે. અને મોરબીમાંથી અંદાજે ૧૫૦ ખૂંટને પકડીને નંદીઘરમાં મૂકવામાં આવ્યા છે. અને ત્યાં રખડતા પશુની સાચવણી અને જાળવણી કરવામાં આવી રહી છે મોરબી મહાનગરપાલિકા એએનસીડી શાખા દ્વારા માર્ચ ૨૦૨૫ થી ફેબ્રુઆરી સુધીમાં અંદાજે ૨૬૦૦ જેટલા પશુ પકડવામાં આવ્યા છે. આ ઉપરાંત અંદાજે ૨૧૦ જેવા પશુ માલિકોને લાઈસન્સ અને ૩૧ જેટલા ઘાસ વેચાણ માટેનો પરમિટ આપેલ છે મોરબી મહાનગરપાલિકાના એએનસીડી શાખા દ્વારા ૩૩ પેટ ડોગ ના રજીસ્ટ્રેશન થયેલ છે. પશુ માલિકોને પશુ રજીસ્ટ્રેસન કરવા તથા પેટડોગ માલિકને પોતાના પેટડોગનું રજીસ્ટ્રેશન કરવા માટે અપીલ કરીએ છે.