માળીયા (મી) નજીક બંધ પડેલા ટ્રકની પાછળના ટ્રક અથડાતાં સર્જાયેલ અકસ્માતમાં એક ડ્રાઈવરનું મોત
Morbi Today
વાંકાનેરના સરધારકા નજીક ટ્રક ચાલકે ડબલ સવારી એક્ટિવાને હડફેટે લેતા અકસ્માત: ઇજાગ્રસ્ત બે યુવાન સારવારમાં
SHARE
JOIN OUR GROUP
વાંકાનેરના સરધારકા નજીક ટ્રક ચાલકે ડબલ સવારી એક્ટિવાને હડફેટે લેતા અકસ્માત: ઇજાગ્રસ્ત બે યુવાન સારવારમાં
વાંકાનેરના સરધારકા ગામ નજીક ડબલ સવારી એક્ટિવા પસાર થઈ રહ્યું હતું ત્યારે ટ્રક ચાલકે અચાનક કાવું મારતા એકટીવાને હડફેટે લીધું હતું જેથી અકસ્માતનો બનાવ બન્યો હતો અને અકસ્માતના બનાવમાં એક્ટિવા ઉપર જઈ રહેલા બંને યુવાનોને ફ્રેકચર જેવી ઈજા થઈ હોવાથી તેને સારવાર માટે હોસ્પિટલે લઈ ગયા હતા અને ત્યારબાદ ઇજા પામેલા યુવાનના પિતાએ નોંધાવેલ ફરિયાદ આધારે પોલીસે ટ્રક ચાલક સામે ગુનો નોંધી આરોપીને પકડવા માટે તજવીજ શરૂ કરેલ છે
વાંકાનેરના દલડી ગામે રહેતા અબ્દુલભાઈ અલીભાઇ પરાસરા (49)એ ટ્રક નંબર જીજે 15 એક્સ એક્સ 9944 ના ચાલક સામે વાંકાનેર તાલુકા પોલીસ સ્ટેશન ખાતે ફરિયાદ નોંધાવી છે જેમાં તેમણે જણાવ્યું છે કે, વાંકાનેરના સરધારકા રોડ ઉપર શ્રી લક્ષ્મી સ્ટોન પ્લાન્ટ પાસેથી ફરિયાદીનો દીકરો તથા ભત્રીજો એકટીવા નંબર જીજે 3 એચપી 9541 લઈને પસાર થઈ રહ્યા હતા અને પલાસડી ગામેથી તેઓ દલડી ગામ તરફ જતા હતા ત્યારે સરધારકા વાંકાનેર રોડ ઉપર ટ્રક ચાલકે પોતાનો ટ્રક બેદરકારીથી ચલાવીને અચાનક કાવું મારતા ફરિયાદીના દીકરાના એકટીવાને હડફેટે લીધું હતું અને અકસ્માત કર્યો હતો જે બનાવમાં ફરિયાદીના દીકરાને ડાબા પગમાં ફ્રેક્ચર જેવી ઈજા થઈ હતી અને વાસામાં પણ ફ્રેકચર થયેલું છે તેમજ ફરિયાદીના ભત્રીજાને પગમાં ફ્રેક્ચર થતા બંને ઇજાગ્રસ્ત યુવાનોને સારવાર માટે હોસ્પિટલે લઈ જવામાં આવેલ છે અને આ બનાવ સંદર્ભે હાલમાં ઇજા પામેલ યુવાનના પિતાએ નોંધાવેલ ફરિયાદ આધારે પોલીસે ટ્રક ચાલક સામે ગુનો નોંધી આગળની કાર્યવાહી હાથ ધરી છે
