મોરબીની ગજાનન પાર્ક સોસાયટીમાં રામ નવમીની શોભાયાત્રા સાથે ભવ્ય ઉજવણી કરાઇ

રામ નવમીની ઠેરઠેર ઉજવણી કરવામાં આવી હતી ત્યારે મોરબીના લીલાપર કેનાલ રોડ પર આવેલ ગજાનન પાર્ક સોસાયટીમાં રામ જન્મોત્સવ નિમિતે સોસાયટીના 15 થી વધુ એપાર્ટમેન્ટના લોકો દ્વારા શોભાયાત્રાનું આયોજન કરવામાં આવ્યું હતું અને અબીલ-ગુલાલ, ઢોલ-નગારા સાથે મોરબીના એસપી રોડથી શોભાયાત્રા શરૂ કરીને ગજાનન પાર્ક સોસાયટીમાં ફરી હતી આ શોભાયાત્રામાં નાના બાળકોને રામ, લક્ષ્મણ, જાનકી અને હનુમાનના વેશ ધારણ કરીને જોડવામાં આવ્યા હતા. અને વડીલો સહિતના લોકો દ્વારા રામધૂનનું ગાન પણ કરવામાં આવ્યું હતું. અને શોભાયાત્રા દરમિયાન પ્રસાદનું વિતરણ તેમજ પ્રભુ શ્રી રામની આરતી સહિતના કાર્યક્રમ યોજાયા હતા.