હળવદના ચંદ્રગઢ ગામે ખેતરમાં ઈરાદપૂર્વક તોડી નાખેલા વીજપોલને રીપેર કરવા ગયેલા વીજ કંપનીના કર્મચારીને ટાંટિયા ભાંગી નાખવાની ધમકી

હળવદના ચંદ્રગઢ ગામની સીમમાં ખેતરની અંદર આવેલ વીજપોલને ઈરાદાપૂર્વક પાડી નાખ્યો હતો અને ત્યારબાદ પડી ગયેલા વીજ પોલને નાખવા માટે જઈ રહેલા સરકારી કર્મચારીઓને રોકીને વીજ પોલ નહીં નાખવા દઈને ટાંટિયા ભાંગી નાખવાની તથા ગોયતા નહીં જડો તેમ કહીને મારી નાખવાની ધમકી આપી હતી જેથી સરકારી કર્મચારીની ફરજમાં રૂકાવટ તેમજ ધમકી અને  સરકારી મિલકતને 83,913 રૂપિયાનું નુકસાન કરવા બાબતે હાલમાં વીજ કંપનીના કર્મચારીઓ નોંધાવેલ ફરિયાદ આધારે પોલીસે ગુનો નોધી આરોપીને પકડવા માટે તજવીજ શરૂ કરેલ છે

હળવદમાં આવેલ રુદ્ર ટાઉનશીપમાં રહેતા હિરેનગીરી હરેશગીરી ગોસ્વામી (41)એ હસમુખ મૂળજીભાઈ જાદવ રહે. ચંદ્રગઢ તાલુકો હળવદ વાળા સામે હળવદ તાલુકા પોલીસ સ્ટેશન ખાતે ફરિયાદ નોંધાવી છે જેમાં જણાવ્યું છે કે, આરોપીએ ઉધડ રાખેલ ખેતરમાં વચ્ચે આવેલા વીજ પોલને ઈરાદાપૂર્વક પાડી દીધો હતો અને પડી ગયેલા વીજપોલને નાખવા માટે જઈ રહેલા સરકારી કર્મચારીઓને વીજપોલ નહીં નાખવા દઈને તેઓને ટાંટિયા ભાંગી નાખવાની અને ગોયતા નહીં જડો તેવી મારી નાખવાની ધમકી આપી હતી આમ સરકારી કર્મચારીની ફરજમાં રૂકાવટ કરીને તેને જાનથી મારી નાખવાની ધમકી આપી હતી અને સરકારી મિલકતને 83,913 રૂપિયાનું નુકસાન કર્યું હતું જેથી સરકારી કર્મચારી દ્વારા નોંધવામાં આવેલ ફરિયાદ આધારે હળવદ પોલીસે હાલમાં ગુનો નોંધીને આરોપીને પકડવા માટે તજવીજ શરૂ કરેલ છે