મોરબીમાં ફૈબા દ્વારા ભત્રીજા-ભત્રીજીના જન્મદિવસની ઉજવણીના ભાગરૂપે મેડિકલ કેમ્પ યોજાયો

મોરબીના ડૉ.હસ્તલેખા મહેતા (હસ્તીબેન)ના બે કેમ્પનું આયોજન બે દાતા દ્વારા કરવામાં આવ્યું હતુ. અને સ્વ.મનીષા મનહરલાલ રાવલના પૌત્ર-પૌત્રી શ્લોક અને સ્વરાના જન્મ દિવસ નિમિત્તે ફૈબા નિવેદિતા શાસ્ત્રી તેમજ અન્ય એક મહિલા દ્વારા શ્રી લીલાપર પ્રાથમિક શાળા ખાતે મેડિકલ કેમ્પનું આયોજન કરવામાં આવ્યું હતું. આ શાળામાં અભ્યાસ કરતા બાળકો તેમજ શિક્ષકોનું પણ હેલ્થ ચેકઅપ કરી આપવામાં આવ્યું હતુ અને ત્રણ દિવસની દવા આપવામાં આવી હતી. આ કેમ્પને સફળ બનાવવામાં શાળાના આચાર્ય ડૉ.પારેજિયા તેમજ સમગ્ર સ્ટાફ દ્વારા સહકાર આપવામાં આવેલ હતો. અને આ કેમ્પ સહાયક તરીકે રશ્મિનભાઈ દેસાઈ, કૌશિકાબેન રાવલ, નિવેદિતા શાસ્ત્રીએ સેવા આપી હતી.