મોરબીમાં બાવા અહેમદશાની મસ્જિદ ખાતે મેડિકલ કેમ્પ યોજાયો

મોરબીમાં ડૉ. હસ્તલેખા મહેતા (હસ્તીબેન) દ્વારા ૨૨૪ માં એક દિવસીય કેમ્પનું આયોજન જયંતીભાઈ જેરાજભાઈ શેરશિયાના સૌજન્યથી કરવામાં આવ્યું હતું અને મોરબીમાં બાવા અહેમદશાની મસ્જિદ કાલિકા પ્લોટ ખાતે આ કેમ્પ યોજાયો હતો આ કેમ્પને સફળ બનાવવા માટે કાસમભાઈ સંધીનો સહયોગ મળ્યો હતો અને મોટી સંખ્યામાં દર્દીઓએ કેમ્પનો લાભ લીધો હતો. આ કેમ્પમાં જયસુખભાઈ ભાલોડીયા દ્વારા કુદરતી બક્ષિસ દ્વારા વા,સાંધાના દુખાવામાં પોઇન્ટ ની સારવાર આપીને દર્દીને દર્દમાંથી રાહત અપાવવામાં આવી હતી. આ કેમ્પમાં સહાયક તરીકે રશ્મિનભાઈ દેસાઈ, દર્શનબેન ત્રિવેદી અને સુદીપ વોરાએ સેવા આપી હતી.