હળવદના સુંદરગઢ નજીકથી દારૂ ભરેલ કાર સાથે એક આરોપી પકડાયો: 4.60 લાખનો મુદામાલ કબ્જે: એકનું શોધખોળ
SHARE
JOIN OUR GROUP
હળવદના સુંદરગઢ નજીકથી દારૂ ભરેલ કાર સાથે એક આરોપી પકડાયો: 4.60 લાખનો મુદામાલ કબ્જે: એકનું શોધખોળ
હળવદના સુંદરગઢ ગામની સીમમાંથી બલેનો કાર પસાર થઈ રહી હતી જેને રોકીને પોલીસે ચેક કરતાં તેમાંથી 300 લીટર દેશી દારૂ મળી આવેલ હતો જેથી 60 હજારનો દારૂ અને કાર મળીને 4.60 લાખનો મુદામાલ કબ્જે કરીને પોલીસે એક આરોપીની ધરપકડ કરેલ છે.
હળવદ તાલુકાના પીઆઇ આર.ટી.વ્યાસની સુચના મુજબ સ્ટાફ કામ કરી રહ્યો હતો તેવામાં સ્ટાફને મળેલ બાતમી મુજબ હળવદના સુંદરગઢ ગામની સીમમાં વોચ રાખવામા આવી હતી તેવામાં સિલ્વર કલરની બલેનો કાર નં. જીજે 36 એપી 6748 પસાર થઈ રહી હતી. જેને ચેક કરવામાં આવતા પ્લાસ્ટીકના બાચકાઓમાંથી 300 લિટર દેશી દારૂ મળી આવેલ હતો જેથી 60 હજારનો મુદામાલ તેમજ 4 લાખની કાર આમ કુલ મળીને 4.60 લાખનો મુદામાલ કબ્જે કર્યો હતો. અને હાલમાં આરોપી ઇલેશ શંભુભાઇ ડાભી રહે. સુંદરગઢ તાલુકો હળવદ વાળાની ધરપકડ કરી હતી અને તેની પૂછપરછ દરમ્યાન મીતુલ મુકેશભાઇ દેકાવાડીયા રહે. ભવાનીગઢ (જોકડા) તાલુકો મુળી વાળાનું નામ સામે આવ્યું હતું જેથી બંને સામે ગુનો નોંધીને બીજા આરોપીને પકડવા માટે તજવીજ શરૂ કરેલ છે.
