મોરબી મહાપાલિકાની 52 બેઠકો સાથે કોંગ્રેસ 23 ઉમેદવાર જાહેર કર્યા: 29 મુરતિયાને શોધવા કાવયત

ગુજરાત પ્રદેશ કોંગ્રેસ સમિતિ દ્વારા ગઇકાલે જુદીજુદી મહાપાલિકાની બેઠકો માટે સતાવર ઉમેદવારોના નામની જાહેર કરી છે જેમાં મોરબી મહાપાલિકાના ઉમેદવારોનો પણ સમાવેશ થાય છે થોડા સમય પહેલા મોરબી જિલ્લા કોંગ્રેસનાં પૂર્વ પ્રમુખ કિશોરભાઇ ચિખલિયા અને શહેર કોંગ્રેસનાં પ્રમુખ પુષ્પરાજસિંહ જાડેજા દ્વારા 12 ઉમેદવારોના નામ જાહેર કરવામાં આવ્યા હતા તે 12 સહિત કુલ મળીને 23 ઉમેદવારોના નામ કોંગ્રેસ દ્વારા જાહેર કરવામાં આવ્યા છે જો કે, હજુ 29 મુરતિયાને શોધવા માટેની કવાયત ચાલી રહી છે.

આગામી સ્થાનિક સ્વરાજ્યની ચૂંટણીને લઈને મોરબી મહાનગરપાલિકાના જુદાજુદા વોર્ડમાં ઉમેદવારોના નામ જાહેર કરવામાં આવ્યા છે જેમાં વોર્ડ નં. 1 માં કૈલાશબેન વેરાણા અને દિનેશભાઈ સરસિયા, વોર્ડ નં. 2 જુમાભાઇ સુમરા, વોર્ડ નં. 3 ડો. પ્રવીણકુમાર વઘાસીયા, વોર્ડ નં. 5 માં પુષ્પરાજ સિંહ જાડેજા, અમિતભાઈ ભોજવિયા તેમજ વિજયાબેન મકવાણા, વોર્ડ નં. 6 માં દમયંતીબેન નિરંજની અને કલ્પેશભાઈ સેતા, વોર્ડ નં. 7 માં ટાંક હિરલબેન તેજસભાઈ, વોર્ડ નં. 8 માં મીનાક્ષીબેન પટેલ, હાજીભાઈ કોરડીયા તેમજ બલવંતભાઈ ધુમલીયા, વોર્ડ નં. 9 માં જયેશભાઈ કાલરીયા અને જ્યોત્સનાબેન ઝાલરીયા, વોર્ડ નં. 10 માં ભાવિનભાઈ ફેફર અને પરમાર દીપકભાઈ, વોર્ડ નં. 11 માં વંદનાબેન કાસુન્દ્રા, વોર્ડ નં. 12 માં જગદીશભાઈ સોનાગ્રા અને વોર્ડ નં. 13 માં ટ્વિકલબેન મકવાણા, કંચનબેન જાદવ, વિનોદભાઈ નકુમ અને ઇમરાનભાઈ સોલંકીના નામ જાહેર કરવામાં આવ્યા છે જો કે, મહાપાલિકાનું કુલ 52 બેઠક છે જે પૈકીનાં હજુ 23 ઉમેદવાર જાહેર કરવામાં આવ્યા છે અને 29 બેઠક માટે કોંગ્રેસે હજુ મુરતિયા શોધવા માટે બેઠકો ચાલી રહી છે.