મોરબીના બેલા નજીક આવેલ રિવાઇન્ડિંગની દુકાનમાંથી અંદાજે બે લાખના મુદામાલની ચોરી

મોરબીના બેલા ગામ નજીક આવેલ ખોખરા હનુમાન રોડ ઉપર આવેલ ખોડિયાર કોમ્પ્લેક્ષમાં આવેલ રિવાઇન્ડિંગની દુકાનને તસ્કરે નિશાન બનાવેલ છે અને દુકાનમાંથી અંદાજે બે લાખના મુદ્દામાલની ચોરી કરવામાં આવેલ છે અને ચોરીની ઘટના દુકાનમા મૂકવામાં આવેલ સીસીટીવી કેમેરામાં કેદ થયેલ છે.

મોરબીના બેલથી ભરતનગર તરફ જવાના રસ્તા ઉપર આવેલ ખોડિયાર કોમ્પ્લેક્ષમાં મેલડી કૃપા રિવાઇન્ડિંગ નામની દુકાન આવેલ છે. જેને તસ્કરે નિશાના બનાવેલ હતી અને ત્યાંથી 120 કિલો કોપર વાયર, 1 સબમર્સિબલ પંપ, 5 કાર્ટૂન બેરિંગ અને 1 હાઇડ્રોલિક પુલરની ચોરી કરવામાં આવેલ છે આ અંગે દુકાનના માલિક વિવેક પટેલે જણાવ્યુ હતું કે, તેઓની દુકાનમાંથી અંદાજે બે લાખની કિંમતના મુદામાલની ચોરી કરવામાં આવેલ છે. આ બનાવની તાલુકા પોલીસ સ્ટેશન ખાતે જાણ કરવામાં આવેલ છે અને ચોરીની ઘટના દુકાનમાં મૂકવામાં આવેલ સીસીટીવી કેમેરામાં કેદ થયેલ છે.