મોરબી સિરામિક ઉદ્યોગમાં ગેસની સપ્લાઈ-ભાવ મુદે ગુજરાત ગેસ કંપનીના એમડી-અધિકારીઓએ સાથે મિટિંગ યોજાઇ
Morbi Today
મોરબીમાં મોબાઈલથી વરલીના આંકડા લેતા એક પકડાયો, એકની શોધખોળ: ચલણી નોટના નંબર આધારે જુગાર રમતા બે પકડાયા
SHARE
JOIN OUR GROUP
મોરબીમાં મોબાઈલથી વરલીના આંકડા લેતા એક પકડાયો, એકની શોધખોળ: ચલણી નોટના નંબર આધારે જુગાર રમતા બે પકડાયા
મોરબીના રવાપર રોડ ઉપર આવેલ રામેશ્વર પાર્ક પાસે વરલી જુગારની રેડ કરવામાં આવી હતી ત્યારે મોબાઈલ ફોનથી વરલી મટકાના જુગારના આંકડા લેતા હોવાનું સામે આવ્યું હતું જેથી રોકડા અને મોબાઈલ મળીને 10,100 ના મુદ્દામાલને કબજે કર્યો હતો અને હાલમાં એક શખ્સની ધરપકડ કરેલ છે અને બીજા શખ્સનું નામ સામે આવ્યું છે તે બંને સામે ગુનો નોંધી બીજા આરોપીને પકડવા માટે પોલીસે તજવીજ હાથ ધરી છે
મોરબીના રવાપર ઘુનડા રોડ ઉપર આવેલ રામેશ્વર પાર્ક પાસે વરલી જુગારના આંકડા લેવામાં આવતા હોવાની હકીકત મળી હતી જેના આધારે સ્થાનિક પોલીસ દ્વારા ત્યાં જુગારની રેડ કરવામાં આવી હતી ત્યારે સ્થળ ઉપરથી સિરાજભાઈ ઈકબાલભાઈ અજમેરી (34) રહે. કબીર ટેકરી શેરી નં-2 મોરબી વાળો વરલી જુગારના આંકડા લેતો હોવાનું સામે આવ્યું હતું અને મોબાઈલ ફોનથી વરલી મટકાના આંકડા અવેશભાઈ અયુબભાઈ કાસમાણી રહે. કબીર ટેકરી શેરી નં02 મોરબી વાળાને લખાવતો હોવાનું સામે આવ્યું હતું જેથી પોલીસે સ્થળ ઉપરથી 5000 રૂપિયાની કિંમતનો મોબાઇલ તથા 5100 રૂપિયાની રોકડામાં કુલ મળીને 10,100 ની કિંમતના મુદ્દામાલ સાથે આરોપી સિરાજભાઈ અજમેરીની ઝડપી લીધેલ છે અને આરોપી અવેસભાઈ કાસમાણીને પકડવા માટે પોલીસ દ્વારા તજવીજ હાથ ધરવામાં આવેલ છે
ચલણી નોટ ના નંબર આધારે જુગાર
મોરબીમાં કુબેર ટોકીઝના ગ્રાઉન્ડમાં જુગારની રેડ કરવામાં આવી હતી ત્યારે ચલણી નોટના નંબર આધારે જુગાર રમતા હોવાનું સામે આવ્યું હતું જેથી પોલીસે સ્થળ ઉપરથી જયસુખભાઈ કરસનભાઈ ધોળકિયા (32) અને લાલજીભાઈ રાઘવજીભાઈ ત્રવાડીયા (29) રહે. કુબેર ટોકીઝ પાછળ મોરબી વાળાને ઝડપી લીધા હતા અને તેની પાસેથી 630 રૂપિયાની રોકડ કબજે કરી હતી અને બી ડિવિઝન પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી હતી
